ელისაშვილი ზურაბიშვილს: მწვავედ გაკრიტიკებდით... ახლა, ეს სიტყვები უკან მიმაქვს

31 Mar. 2023, 13:48

მე არ მინდოდა, რომ თქვენ ყოფილიყავით საქართველოს პრეზიდენტი და მე თქვენ ძალიან მწვავედ გაკრიტიკებდით, ძალიან მძიმედ. რატომ? პიროვნულად არაფერს გერჩოდით, ქართველ ემიგრაციას წარმოადგენთ... მაშინ რისი მეშინოდა? რატომ არ მინდოდა თქვენი პრეზიდენტობა? იმიტომ, რომ მეშინოდა, რომ თქვენ არ იქნებოდით მტკიცე და თანმიმდევრული საქართველოს ეროვნული არჩევანის დაცვისას, ევროატლანტიკური არჩევანის დაცვისას. იმიტომ, რომ ჩვენი ევროპისკენ სწრაფვა ეს არის ცივილიზაციური არჩევანი და მე მეშინოდა, რომ ზიგზაგებით ივლიდით, მაგრამ ახლა, ეს სიტყვები უკან მიმაქვს. პირისპირ შეხვედრისას ბოდიშიც გითხარით, სწორედ იმ სიტყვებისთვის. ახლაც ღიადაც ვიტყვი ბოდიშს, მე არ მესირცხვილება ბოდიშის მოხდა, როცა მაქვს ბოდიში მოსახდელი. ბოდიშს გიხდით იმის გამო და სიტყვები მიმაქვს იმის გამო, რაც აქ მოვისმინე დღეს და რასაც ვისმენ ბოლო პერიოდის განმავლობაში თქვენგან, საქართველოში ნათქვამს თუ უცხოეთში ნათქვამს.

ბოლო ამბები:

გირჩევთ