საქართველოს პარლამენტმა საქართველოს მოქალაქეობის არ მქონე პირებზე მიწის მიყიდვაზე მემორანდუმის გამოცხადებას, მესამე მოსმენით, მხარი დაუჭირა. პარლამენტის 87-მა დეპუტატმა მხარი დაუჭირა, ახალი კონსტიტუციის მიღებამდე, უცხოელებისთვის სასოფლო-სამეურნეო დანიშნულების მიწის მიყიდვის აკრძალვას. კანონი გამოქვეყნებისთანავე ამოქმედდება.

საპარლამენტო პარტიების ქართული ოცნებისა და პატრიოტთა ალიანსის წევრები უცხოელებისთვის მიწის მიყიდვის აკრძალვის კონსტიტუციაში ჩაწერასაც ითხოვენ. აქამდე საქართველოს კანონმდებლობით, უცხო ქვეყნის მოქალაქეებს საქართველოში სასოფლო-სამეურნეო მიწის ყიდვაზე შეზღუდვები არ ჰქონდათ.

30 მაისს საქართველოში უცხოელებზე მიწის მიყიდვის აკრძალვის კანონპროექტი საპარლამენტო უმრავლესობის, ქართული ოცნების წევრებმა შეიტანეს. კანონპროექტით, იკრძალება საქართველოს მოქალაქეობის არ მქონე პირებისთვის სასოფლო-სამეურნეო დანიშნულების მიწის მიყიდვა. კანონპროექტის მიღებამდე მიწის გასხვისებაზე მორატორიუმი გამოცხადდა.