გლობალური საძიებო სისტემის ტრაფიკის ანალიზით Thomson Reuters-ის მკვლევრებმა დაადგინეს, რომ უკრაინული პორნოგრაფიის მიმართ ინტერესი საგრძნობლად მას შემდეგ გაიზარდა, რაც რუსეთი უკრაინაში შეიჭრა.

რატომ არის მნიშვნელოვანი: Thomson Reuters-ის მკვლევრებმა დაადგინეს, რომ უკრაინელი ლტოლვილები შეიძლება იყვნენ ტრეფიკინგის მსხვერპლნი.

  • ორგანიზაცია ქვეყნებს სასწრაფო ზომების მიღებისკენ მოუწოდებს, რათა გააძლიერონ ქალების და ბავშვების დაცვა, რომელიც მკვლევრების შეფასებით სექსუალური ექსპლუატაციის რისკის ქვეშ არიან.

დეტალები: ინტერნეტის ძიების ტენდენციების ანალიზმა აჩვენა, რომ პორნოგრაფიული ვიდეოების ნახვები, რომლებზეც აცხადებდნენ, რომ უკრაინელი ლტოლვილები ჩანდა, ბოლო ექვსი თვის განმავლობაში გაიზარდა.

  • 2022 წლის ანალიზმა დაადგინა, რომ სექსუალური ექსპლუატაციის ტერმინების გლობალური ინტერნეტ ძიება, რომლებიც კონკრეტულად უკრაინელ ლტოლვილებს ეხებოდა, ომის დაწყების შემდეგ იზრდება.
  • "ეს ანალიზი აჩვენებს, თუ რამდენად მნიშვნელოვანია ომიდან გაქცეული ქალებისა და ბავშვების უსაფრთხოება. უკრაინელი ქალებისა და გოგონების სექსუალურ ხელმისაწვდომობაზე კაცების მაღალი მოთხოვნა უზარმაზარ სტიმულს უქმნის ტრეფიკერებს გადაიბირონ დაუცველი ადამიანები, რათა მოგება გაზარდონ", — განაცხადა ვალიანტ რიჩმა, ეუთოს სპეციალურმა წარმომადგენელმა და კოორდინატორმა ადამიანებით ვაჭრობის წინააღმდეგ ბრძოლაში.

Thomson Reuters-მა სექსუალური ექსპლუატაციის შესახებ ცნობიერების ამაღლების მიზნით ეუთოსთან თანამშრომლობა დაიწყო.

  • კამპანიის სახელია "იყავი უსაფრთხოდ" და მისი მიზანია წაახალისონ გლობალური საზოგადოება, მიაწოდონ უკრაინელებს უსაფრთხოების ინფორმაცია და დაეხმარონ ტრეფიკერების გამაფრთხილებელი ნიშნების აღმოჩენაში.