ამის შესახებ ქართული ოცნებიდან ფორმალურად წასულმა, ანტიდასავლური მოძრაობის ერთ-ერთმა წევრმა ჟურნალისტებთან ისაუბრა.

რატომ არის მნიშვნელოვანი: 22 მარტს, პარლამენტის პლენარულ სხდომათა დარბაზში ანტიდასავლური, პრორუსული და ქართული ოცნებისგან ფორმალურად გამიჯნული ხალხის ძალის დეპუტატმა, ვიქტორ ჯაფარიძემ ოპოზიციონერ ტარიელ ნაკაიძეს მიკროფონი ჩაარტყა.

  • On.ge-სთან საუბარში ნაკაიძე ამბობს, რომ პრორუსი დეპუტატები მას აგენტს უწოდებდნენ, საპასუხოდ კი ის განმარტებას ითხოვდა და ეუბნებოდა, თავად იყვნენ რუსული კანონის მიმღები მოღალატეები.
  • "არგუმენტების არქონამ პოლიტიკაში ამ ძალადობამდე მიიყვანა. გაუნათლებელია, ხსნი მიკროფონს და გირტყამს. არ აქვს არგუმენტი, რომ გესაუბროს", — ამბობს ნაკაიძე ჯაფარიძეზე.

დეტალები: ბერაია ფიქრობს, რომ არავითარ ძალადობას ადგილი არ ჰქონია.

  • ჟურნალისტის მას კადრების ნახვას სთავაზობს, თუმცა ბერაია ამბობს, რომ ადგილზე იყო და იცის რაც მოხდა.
  • "თავიდან ბოლომდე უყურეთ პროცესს?... მე იქ ვარ, თუ ხედავთ, დააკვირდით კადრებს, იქ ვდგავარ, ნაცრისფერი პიჯაკით... რად მინდა კადრების ნახვა, არ არის ეს ძალადობა", — ამტკიცებს ბერაია.

აქამდე ქართული ოცნების თავმჯდომარემ, ირაკლი კობახიძემ ოპოზიციონერი დეოუტატი ტარიელ ნაკაიძე "მძიმე წარსულში" დაადანაშაულა.

  • ნაკაიძე, რომელიც წარსულში ქართველ მუსლიმთა კავშირის თავმჯდომარე იყო და პარლამენტში რელიგიური უმცირესობების უფლებებს იცავს, On.ge-სთან საუბარში, ქართული ოცნების თავმჯდომარის განცხადებაში ქსენოფობიურ კონტექსტს ხედავს.