რატომ არის მნიშვნელოვანი: რუსული კანონის ჩაგდების შემდეგ მმართველ გუნდში საკადრო ცვლილებები დაიწყო.

  • 18 მარტს, ბორჯომში უმრავლესობის შეხვედრა გაიმართა, რომელსაც რამდენიმე დეპუტატი და მინისტრი არ ესწრებოდა, მათ შორის, მიხეილ ჩხენკელი, რომელიც მოგვიანებით განათლების უწყების ხელმძღვანელის პოსტზე გიორგი ამილახვარმა ჩაანაცვლა.
  • დეპუტატები, რომლებმაც რუსული კანონის მიღებას მხარი არ დაუჭირეს, მანდატების დატოვებაზე რამდენიმე დღის წინ ალაპარაკდნენ.

დეტალები: ვლადიმერ ჩაჩიბაია და ნინო იობაშვილი ირაკლი ღარიბაშვილის მრჩევლებად დაინიშნნენ.

  • ინფორმაცია On.ge-ს მთავრობის ადმინისტრაციაში დაუდასტურეს.
  • პროსახელისუფლებო მედიის ინფორმაციით, ასევე, დაგეგმილია გიორგი ხელაშვილის დანიშვნა პარლამენტის თავმჯდომარის მრჩევლის პოსტზე.
  • საკანონმდებლო ორგანოს პრესსამსახურში ინფორმაციას ჯერჯერობით არ ადასტურებენ.