მინისტრის მოადგილის თქმით, კლინიკა ჯანდაცვის სერვისების მიწოდების მთავარ საყრდენად დარჩება.

რატომ არის მნიშვნელოვანი: რესპუბლიკური საავადმყოფოს თანამშრომლები ამბობენ, რომ ჯანდაცვის მინისტრმა შენობის ნგრევა მათთვის სრულიად მოულოდნელად, ახალი მდებარეობისა და კონცეფციის გაურკვევლად დააანონსა.

  • მათივე თქმით, ერთი წლის წინ რესპუბლიკურის მედპერსონალს სრულიად განსხვავებული ინფორმაცია მიეწოდა შენობის რეაბილიტაციაზე.
  • წერილში ნათქვამია, რომ კლინიკა გამორჩეულია ჯანდაცვის ობიექტებს შორის თავისი ადგილმდებარეობით, ისტორიით, ინტელექტუალური პოტენციალით და ამის შენარჩუნება აუცილებელია.

დეტალები: გაბუნია ამბობს, რომ პროექტი რესპუბლიკური საავადმყოფოს განახლებას, გადაიარაღებას და ახალი ძალით ამუშავებას ითვალისწინებს.

  • "იქნება გარკვეული გარდამავალი პერიოდი, რომელიც დაეთმობა სამშენებლო
    სამუშაოებს, კლინიკის რეკონსტრუქციას და აღჭურვას. ამ პერიოდის განმავლობაში, მერწმუნეთ, სრულად იქნება დაცული სამედიცინო პერსონალის უფლებები როგორც ანაზღაურების, ისე — დასაქმების კუთხით", — თქვა მან.
  • მისივე განცხადებით, ახალი რესპუბლიკური საავადმყოფოს კონცეფციის დეტალური პრეზენტაცია უახლოეს მომავალში გაიმართება.