საქართველოს საპარლამენტო უმცირესობის წარმომადგენელი, ევროპული საქართველოს წევრი, ოთო კახიზე მიჩნევს, რომ მიწის საქართველოს მოქალაქეობის არმქონე პირებზე გასხვისებაზე მორატორიუმი ქართული ოცნების იაფფასიანი წინასაარჩევნო პოპულიზმია.

"თვითმმართველობის არჩევნები მოდის შესაბამისად ჩვენი კოლეგები ცდილობენ რაღაც ურაპატრიოტიზმის სახელით დაიწერონ ქულები, რომ თითქოსდა კრძალავენ მიწის გაყიდვას უცხოელებზე. სინამდვილეში მე მინდა ყველამ კარგად იცოდეს და გაიგოს რეალურად შემოთავაზებული პროექტით არ იკრძალება მიწის გაყიდვა უცხოელებზე უბრალოდ წინა საარჩევნოდ," - აღნიშნა ოთო კახიძემ.

საქართველოში უცხოელებზე მიწის მიყიდვის აკრძალვის კანონპროექტი 30 მაისს, საპარლამენტო უმრავლესობის, ქართული ოცნების წევრებმა შეიტანეს. კანონპროექტით, იკრძალება საქართველოს მოქალაქეობის არ მქონე პირებისთვის სასოფლო-სამეურნეო დანიშნულების მიწის მიყიდვა. კანონპროექტის მიღებამდე მიწის გასხვისებაზე მორატორიუმი გამოცხადდა.

საქართველოს მოქმედი კანონმდებლობით, უცხო ქვეყნის მოქალაქეებს საქართველოში სასოფლო-სამეურნეო მიწის ყიდვაზე შეზღუდვები არ აქვთ. თუმცა, კონსტიტუციის პროექტით, საქართველოს კონსტიტუციაში მიწასთან დაკავშირებით ჩანაწერი ჩნდება, რომლითაც "მიწა არის უნიკალური რესურსი", რომლის გასხვისების წესების განსაზღვრაც კანონმდებლობაში იგეგმება.