შესაბამისი განცხადება ორგანიზაციამ დღეს გაავრცელა.

რატომ არის მნიშვნელოვანი: გუშინ, რუსთაველის გამზირზე, რუსული კანონის საწინააღმდეგო აქციის დარბევისას მედიის წარმომადგენლები დაშავდნენ.

  • ათობით ჟურნალისტი და ოპერატორი აქციის დასაშლელად გამოყენებული ცრემლსადენი გაზით მოიწამლა. რამდენჯერმე გაზის ყუმბარა ჟურნალისტის ფეხებთან აფეთქდა.
  • სამართალდამცველებმა იძალადეს მედიის წარმომადგენლებზე და ხელი შეუშალეს ჟურნალისტურ საქმიანობაში, მიუხედავად იმისა, რომ იცოდნენ, ისინი ასრულებდნენ პროფესიულ მოვალეობას.

დეტალები: ქარტია გმობს მედიის წარმომადგენლების მიმართ ჩადენილ ძალადობას, უფლებების დარღვევასა და საქმიანობაში ხელშეშლას.

  • "მოვითხოვთ იმ სამართალდამცავების სასწრაფოდ გამოვლენასა და სისხლის სამართლის პასუხისგებაში მიცემას, რომლებიც ძალადობდნენ ჟურნალისტებზე და ხელი შეუშალეს პროფესიული მოვალეობის შესრულებაში", — ვკითხულობთ განცხადებაში.