ცოტა ხნის წინ წიგნების თარო რუსულ კანონს გამოეხმაურა და აღნიშნა, რომ კანონპროექტი კითხვის ნიშნის ქვეშ აყენებს ქვეყნის ევროპულ მომავალს. წიგნების თარომ რუსული კანონის შესახებ განცხადება ფეისბუქის გვერდზე გამოაქვეყნა.

"წიგნების თაროსთვის, რომელიც საქართველოს ყველაზე მნიშვნელოვან ახალგაზრდულ პროექტად მოიაზრება, უმთავრესია ქართველი ბავშვებისა და ახალგაზრდების კეთილდღეობა და ნათელი მომავალი, ჩვენი მიზანია მომავალი თაობა იყოს წიგნიერი, განათლებული და წარმატებული, შესაბამისად ჩვენთვის უპირობო ამოცანაა ევროპული ოჯახის წევრობა, რაც საქართველოს კონსტიტუციაშიცაა აღბეჭდილი და განმტკიცებული.

ამასთან დაკავშირებით, გავეცანით რა კანონპროექტის შინაარსსა თუ უცხოელი პარტნიორების განცხადებებს, მიგვაჩნია, რომ აღნიშნული კანონპროექტი საფრთხეს უქმნის საქართველოს ინტეგრაციას ჩვენთვის მნიშვნელოვან დასავლურ ორგანიზაციებში, რაც კითხვის ნიშნის ქვეშ აყენებს ქვეყნის ევროპულ მომავალს", — ვკითხულობთ განცხადებაში.

შეგახსენებთ, რომ წიგნების თარო საზოგადოებრივი მაუწყებლის გადაცემაა, რომლის თემატიკას ლიტერატურასთან ერთად სხვადასხვა შემეცნებითი სფერო წარმოადგენს. გადაცემაში სხვადასხვა ასაკის ახალგაზრდები მონაწილეობენ და ერთმანეთს ეჯიბრებიან.