დაუშვილი: ალტერნატიული კანონპროექტი რუსეთის გავლენებისგან დაცვაზე არ ჩაისვა დღის წესრიგში

6 Mar. 2023, 10:07

დღევანდელი სხდომის დღის წესრიგით განსაზღვრულია მხოლოდ ორი კანონპროექტის განხილვა, უცხოური გავლენის გამჭვირვალობის შესახებ და უცხოელი აგენტების რეგისტრაციის შესახებ. იურიდიულ საკითხთა კომიტეტზე პირველი მოსმენით განხილვამდე ვისარგებლეთ კონსტიტუციით გათვალისწინებული უფლებამოსილებით, საკანონმდებლო ინიციატივის უფლებით და მიმდინარე წლის 2 მარტს წარვუდგინეთ პარლამენტს და ასევე, დავარეგისტრირეთ ალტერნატიული კანონპროექტი ოკუპანტი ქვეყნის რუსეთის გავლენებისგან დაცვის შესახებ და ასევე, სისხლის სამართლის კოდექსში ცვლილებების შეტანის შესახებ და იმავე დღეს აღნიშნული პროექტები წარვუდგინეთ ბიუროს. სამწუხაროდ, დაუსაბუთებელი მიზეზების გამო, არ მოხდა ბიუროს მიერ აღნიშნული საკითხების დღევანდელი კომიტეტის დღის წესრიგში ჩასმა.

მოგეხსენებათ საკანონმდებლო ინიციატივის უფლება კონსტიტუციით გათვალისწინებული უფლებაა პარლამენტის წევრის და კონსტიტუციით განსაზღვრულია ამ უფლების უზრუნველყოფის პროცედურები და მექანიზმები [...]

ალტერნატიული კანონპროექტი წარვადგინეთ საქართველოს პარლამენტის რეგლამენტის 108-ე მუხლის ზედმიწევნით დაცვით. ბიუროს მთავარი ფუნქცია და ვალდებულება არის საკანონმდებლო პროცესის და პარლამენტის წევრის კონსტიტუციით გარანტირებული საკანონმდებლო ინიციატივის პროცედურული უზრუნველყოფა და ანალოგიური კონსტიტუციის დაცვის ვალდებულება, ასევე, გააჩნია ჩვენს კომიტეტს, იურიდიულ საკითხთა კომიტეტს.

მოგმართავთ, რომ უზრუნველყოთ კონსტიტუციის დაცვა, კონსტიტუციით დაკისრებული ვალდებულების შესრულება და შექმნათ პირობა, რომ ჩვენს მიერ წარდგენილი რეგლამენტის სრული დაცვით წარდგენილი ალტერნატიული კანონპროექტის განხილვა მოხდეს ძირითად კანონპროექტთან ერთად, წინააღმდეგ შემთხვევაში დაირღვევა კონსტიტუცია.

ბოლო ამბები:

მიხეილ დაუშვილი დაუშვილი: ალტერნატიული კანონპროექტი რუსეთის გავლენებისგან დაცვაზე არ ჩაისვა დღის წესრიგში

კომენტარები

კვირის ტოპ-5

გირჩევთ

ახლა კითხულობენ