ადგილზე პოლიციაცაა მობილიზებული.

რატომ არის მნიშვნელოვანი: მოძრაობა ხმის წევრები და სხვა აქტივისტები ლიბერთი ბანკის სათაო ოფისში აქციას მართავდნენ და საპენსიო სესხების ჩამოწერას ითხოვდნენ.

  • აქტივისტები ამბობდნენ, რომ საქართველოში საბანკო სისტემა მთავარი მძარცველია, ამ ძარცვას კი ხელს უწყობს და აფინანსებს ქართული ოცნების ხელისუფლება.
  • "ძირს ლიბერთი ბანკი", "ჩამოიწეროს მოტყუებით გაცემული საპენსიო სესხები", — სკანდირებდნენ ისინი.

დეტალებზე: ადგილზე მყოფი მედიების კადრებში ჩანს, რომ სამოქალაქო ფორმაში ჩაცმული პირებს, სავარაუდოდ, დაცვის თანამშრომლებს ისინი შენობიდან ძალის გამოყენებით გამოჰყავთ.

  • ამავე ფორმით აძევებენ მედიის წარმომადგენლებსაც, რომლებიც ადგილზე აქციის გასაშუქებლად მივიდნენ.
  • ერთ-ერთი ჟურნალისტი პუბლიკასთან ამბობს, რომ მას მობილური ტელეფონიც დაუზიანდა.
  • კადრებში ჩანს ისიც, რომ ადგილზე მობილიზებულ სამართალდამცავებს რეაგირება არ აქვთ.