ახალი ამბები On.ge

ირაკლი ღარიბაშვილი

24 Feb. 2023, 15:22

ქართველი ხალხი ბრძენია, ჩვენი მოსახლეობის აბსოლუტური უმრავლესობა მხარს უჭერს, საქართველოს მთავრობის და ხელისუფლების გატარებულ კურსს, რომელიც უკავშირდება ქვეყანაში გრძელვადიანი მშვიდობის და სტაბილურობის დამყარებას. მშვიდობის გარეშე ჩემო მეგობრებო, არ იარსებებს არაფერი. ჩვენი მთავარი საზრუნავი იყო, არის და იქნება მშვიდობის შენარჩუნება, რომელიც არის წინაპირობა სტაბილურობის და განვითარების. ყველა გონიერი მმართველი ყველაფერს გააკეთებს იმისთვის, რომ თავიდან ავიცილოთ ნებისმიერი სირთულე, განსაცდელი, რომელიც ხალხს შეუქმნის პრობლემებს. 

ერთ-ერთი მთავარი განსაცდელი შეიძლება იყოს ომი, რომელსაც მოაქვს ნგრევა და უბედურება. მოდით, ახლა კიდევ ერთხელ გავიხსენოთ, თუ რა შედეგი დადგა ამ ერთი წლის განმავლობაში:

  • უკრაინამ დღეის განმავლობაში უკვე დაკარგა 20% ტერიტორიების, 20%;
  • ათიათასობით ადამიანი არის გარდაცვლილი;
  • მიადგა ზიანი, რომელიც არის ჯერ კიდევ შეუფასებელი და დაუთვლელი, საუბარი არის 700-800 მილიარდზე, ზოგი ამბობს, რომ ზარალმა შეადგინა 1 ტრილიონი დოლარი და ვხედავთ, რომ ეს ომი არ ჩერდება.

ამიტომ ჩვენ გვმართებს ემოციების გარეშე ქვეყნის მართვაც, რა თქმა უნდა, ჩვენი პრინციპული პოზიციების გათვალისწინებით. ჩვენ უნდა გავაგრძელოთ წინსვლა და ჩვენი ქვეყნის დაცვა, ჩვენი ეროვნული ინტერესების დაცვა. აი, ეს არის ჩემი მთავარი გზავნილი. 

რა თქმა უნდა, ამ ერთი წლის განმავლობაში ჩვენთვის ძალიან ბევრი უსიამოვნო ფაქტებიც დაფიქსირდა, ბევრ უსამართლობას ჰქონდა ადგილი, მცდელობა იყო ძალიან ბევრი, რომ ფრონტი გახსნილიყო და გადმოტანილიყო საქართველოშიც, ეს ე.წ. მეორე ფრონტი. მაგრამ, რა თქმა უნდა, ჩვენ ყველას კარგად გვესმის, რომ სწორედ ჩვენი ხელისუფლები გონივრული და ეროვნული პოლიტიკის დამსახურებაა, რომ ჩვენ ეს ომი და მეორე ფრონტი და ეს პროვოკაციები თავიდან ავიცილეთ და რა თქმა უნდა, ჩვენ ყოველთვის ვიმეორებთ, დავიცავთ ჩვენი ქვეყნის ინტერესებს. 

თურქეთში მყოფმა ღარიბაშვილმა, რომელიც რეჯეფ თაიფ ერდოღანს შეხვდა და სხვა თემებთან ერთად, უკრაინის ომის წლისთავზეც ისაუბრა. ტრადიციულად გააჟღერა ანტიდასავლური ნარატივები ომში ჩათრევაზე და ქართული ოცნების პოლიტიკის შესაქებად ომის მნიშვნელობაზე ისაუბრა. 

0 0

კომენტარები

კვირის ტოპ-5

  1. მოსკოვში ბიზნესმენ მამუკა წერეთლის ყოფილი მეუღლის დანაწევრებული ცხედარი იპოვეს, 19 წლის შვილის გვამი კი — ეჭვმიტანილის ავტოფარეხში
  2. "სასურველია, პენსია 20-ის ნაცვლად 30 ლარით გაიზარდოს“ — ზაზა ლომინაძე
  3. თბილისის სამ უბანს წყალი 24 საათით შეუწყდება — ქუჩების ჩამონათვალი
  4. ვალერი გელაშვილი საგადასახადო ჯარიმის გამო ბიზნესს ყიდის და ვენესუელაში გადადის საცხოვრებლად
  5. გია ხუხაშვილი: პრემიერობის დაისი მოახლოებულია, დასაშვებია, რომ ახალი პრემიერი მარიამ ქვრივიშვილი იყოს

გირჩევთ

ახლა კითხულობენ

გადახედვა

გერმანიის ყოფილი კანცლერი გერჰარდ შრიოდერი რუსეთში გადავიდა სამუშაოდ

გერმანიის ყოფილი კანცლერი გერჰარდ შრიოდერი რუსული "გიპერგლობუსის" სამეთვალყურეო საბჭოს წევრი გახდა. ეს კომპანია…