ინფორმაციას შინაგან საქმეთა სამინისტროს ავრცელებს.

რატომ არის მნიშვნელოვანი: სამართალდამცავი უწყების ცნობით, უცხო ქვეყნის მოქალაქეს თბილისში მდებარე ერთ-ერთ ბარში ამავე ობიექტის თანამშრომლები ფინანსური სარგებლის მისაღებად შეკვეთისთვის შეუსაბამო თანხის გადახდას სთხოვდნენ, რაზეც დაზარალებულმა უარი განაცხადა.

  • შსს-ის ინფორმაციით, ამის გამო ბარის ოთხმა წარმომადგენელმა მას ძალის გამოყენებით წაართვა თანხა და პირადი ნივთები.

დეტალები: გამოძიება სსკ-ის 178-ე მუხლის მეორე ნაწილის ა ქვეპუნქტითა და მე-3 ნაწილის დ ქვეპუნქტით მიმდინარეობს, რაც გულისხმობს ძალადობით ჩადენილ ძარცვას, რამაც მნიშვნელოვანი ზიანი გამოიწვია.

  • დანაშაული 7-დან 11 წლამდე პატიმრობას ითვალისწინებს.