აეროპორტების გაერთიანების დირექტორი, ირაკლი ქარქაშაძე მომხდარის მიზეზს განმარტავს.

რატომ არის მნიშვნელოვანი: გზებზე არსებული დიდთოვლობის გამო თბილისიდან ქუთაისის აეროპორტში მიმავალმა ავტობუსმა დააგვიანა, რის გამოც მგზავრებმა თავიანთ რეისს ვერ მიუსწრეს.

  • ავიაკომპანიამ დაგვიანებული მგზავრების რეისიდან მოხსნის გადაწყვეტილება მიიღო.

დეტალები: აეროპორტების გაერთიანებაში აცხადებენ, რომ მგზავრები აეროპორტში მას შემდეგ მივიდნენ, როცა რეგისტრაციის პროცესი უკვე დასრულებული იყო და თვითმფრინავში ჩასხდომა მიმდინარეობდა.

  • "დაიწყო დაისინგის, ანუ ყინვის საწინააღმდეგო სითხით დამუშავების პროცესი. ამის გამო და იქიდან გამომდინარე, რომ აღნიშნული ფრენა ბერლინის მიმართულებით იდგა რისკის ქვეშ, რომ საერთოდ გაუქმებულიყო, მიღებულ იქნა ავიაკომპანიის მიერ გადაწყვეტილება, რომ აღნიშნული მგზავრები მოხსნილიყვნენ რეისიდან და აღარ იქნენ ისინი დაშვებულნი", — ამბობს ქარქაშაძე.

  • მისივე განცხადებით, 87 მგზავრიდან 85-ს ბილეთი უკვე გადაუცვალეს სასურველ რეისზე, რაშიც მათ მხოლოდ ცვლილების საფასური გადაიხადეს.