TikTok-მა ევროკავშირისთვის სპეციალური კვარტალური ანგარიში მოამზადა, სადაც მოცემულია ინფორმაცია დეზინფორმაციის გამავრცელებელ არაავთენტურ პროფილებზე.

რატომ არის მნიშვნელოვანი: TikTok გლობალური გასართობი პლატფორმაა, რომლებსაც მომხმარებლის მზარდი რაოდენობა ჰყავს.

  • მას შემდეგ, რაც ფეისბუქმა ყალბი ანგარიშებისა და არაავთენტური ქცევის მონიტორინგი და გამოვლენა დაიწყო, ტროლებმა ახლად შექმნილ TikTok-ზე იპოვეს თავშესაფარი.
  • TikTok რეგულარულად აქვეყნებს იმ ანგარიშების სიას, რომლებიც არღვევს პლატფორმის წესდებას და ცდილობს საზოგადოების შეცდომაში შეყვანას სხვადასხვა მაქინაციების მეშვეობით.
  • კვარტალურ ანგარიშში მოხვდა ინფორმაცია საქართველოს შესახებ.

დეტალები: პლატფორმის ინფორმაციით, საქართველოდან მოქმედი ქსელი მიზნად ისახავდა რუსულენოვან აუდიტორიაზე ზეგავლენას.

  • შექმნილი კონტენტი ძირითადად მიემართებოდა ყაზახეთს, ბელარუსსა და უკრაინას.
  • "ამ ანგარიშების უკან არსებული პირები აზიარებდნენ მასალას რუსულ ენაზე, არაავთენტური ანგარიშების გამოყენებით, რომლებიც პოზიციონირებდნენ როგორც საინფორმაციო საშუალებები, ავრცელებდნენ პრორუსულ ნარატივებს, რათა ზეგავლენა მოეხდინათ უკრაინაში ომის დისკურსზე", — ნათქვამია ანგარიშში.
  • საქართველოდან არაკოორდინირებულ ქცევასა და დეზინფორმაციის გავრცელებაში შემჩნეული 18 ანგარიშები პლატფორმიდან წაიშალა. მათი გამომწერების რაოდენობა 85 ათასს აჭარბებდა.