გამოცემის თანახმად, ეს თანხა ბანკმა ივანიშვილს თანდათანობით გადაუხადა.

რატომ არის მნიშვნელოვანი: 2022 წლის მარტში ცნობილი გახდა, რომ ქართული ოცნების დამფუძნებელმა, ბიძინა ივანიშვილმა შვეიცარიულ ბანკს Credit Suisse-ს ბერმუდის სასამართლოში $600-მილიონიანი დავა მოუგო.

  • სასამართლო გადაწყვეტილების შედეგად, ბანკს ივანიშვილისთვის თანხის ანაზღაურება დაეკისრა. ივანიშვილი ჩიოდა თანხის გადაცემის შეფერხებაზე.

  • ბანკმა თანხის გადარიცხვის შეფერხება აღმოსავლეთ ევროპაში არსებული გეოპოლიტიკური გარემოთი ახსნა, შემდეგ კი ივანიშვილს ევროპარლამენტის რეზოლუციაზე კითხვები გაუგზავნა.

დეტალები: ამჟამად საქმე სინგაპურის სასამართლოში მიმდინარეობს.

  • Credit Suisse აცხადებს, რომ მათ უკვე გადაიხადეს პროცესისთვის საჭირო მოსარჩლის ყველა ხარჯი, თუმცა არ ადასტურებენ თუ რა ინტერვალით ან უშუალოდ რომელი ეპიზოდისთვის გადაუხადეს ბიძინა ივანიშვილს $210 მილიონი.