ქარიშხალს ახალ ზელანდიაში 4 ადამიანი ემსხვერპლა, მათ შორის, ერთი ბავშვია.

რატომ არის მნიშვნელოვანი: ქვეყნის პრემიერის შეფასებით, ციკლონი გაბრიელი ყველაზე ძლიერი ქარიშხალია, რაც ახალ ზელანდიას თავს ამ საუკუნეში დაატყდა.

  • საგანგებო სიტუაციების მართვის მინისტრმა, კიერან მაკანულტიმ თქვა, რომ გასაკვირი არ იქნება, თუ რეგიონში დაღუპულთა რიცხვი კიდევ გაიზრდება.

დეტალები: ციკლონმა ქვეყანაში 10 000-ზე მეტი დევნილი დატოვა, რამდენიმე რეგიონი კვლავ მოწყვეტილია ცენტრს.

  • პოლიციამ მიიღო 1,440-ზე მეტი შეტყობინება დაკარგული ადამიანების შესახებ.
  • ჩრდილოეთ კუნძულის ზოგიერთი ნაწილი მოწყვეტილი იყო ელექტროენერგიასა და სხვა კომუნიკაციებს, რამაც გაართულა ზარალის შეფასება და სამაშველო ჯგუფების მუშაობა.
  • სტიქიის შედეგად დაიტბორა გზები, ჩაიძირა სახლები, ხოლო ძირითადი სახელმწიფო მაგისტრალები მეწყერის და გზის ჩამონგრევის გამო არ ფუნქციონირებს.