მიხეილ სააკაშვილის მხარდამჭერი აქცია შეკვეთილში დღეს, ბიძინა ივანიშვილის რეზიდენციასთან გაიმართა.

რატომ არის მნიშვნელოვანი: სასამართლომ უარი თქვა სააკაშვილისთვის სასჯელის გადავადებასა და საზღვარგარეთ სამკურნალოდ გადაყვანაზე.

  • ნაციონალური მოძრაობის თავმჯდომარემ მსგავსი ყოველდღიური აქციები რეგიონებსა და დედაქალაქშიც დააანონსა.

დეტალები: ნაციონალური მოძრაობის წევრები და მხარდამჭერები სააკაშვილის გათავისუფლებას და მის საზღვარგარეთ სამკურნალოდ გადაყვანას მოითხოვენ.

  • "ჩვენ უნდა ვიმოქმედოთ და აუცილებლად გავიმარჯვებთ. ვინც გეტყვით, რომ ბრძოლას არ აქვს აზრი. იცოდეთ, რომ ივანიშვილი არის ქვეყნის მტერი და რუსი ოლიგარქის მსახური. ვინც გეუბნებათ, რომ ერთმანეთი უნდა გავლანძღოთ და ერთმანეთს უნდა დავუპირისპირდეთ, მას არ უნდა ჩვენი ქვეყნის ერთობა და გამარჯვება", — მიმართა შეკრებილებს ენმ-ს თავმჯდომარემ.
  • ხაბეიშვილის განცხადებით, ივანიშვილს რეზიდენციიდან კინწისკვრით გამოაგდებენ და მის ქონებას ქართველ ხალხს გადასცემენ.
  • აქციის ადგილას მობილიზებული იყო სამართალდამცავების ცოცხალი კორდონი.