ესებუა 8 თებერვალს 2-წლიანი ძებნის შემდეგ დააკავეს. ადვოკატმა, სოსო ჯანაშიამ თქვა, რომ ესებუა ბრალს არ აღიარებს და ამბობს, რომ დანაშაულთან კავშირი არ აქვს.

რატომ არის მნიშვნელოვანი: 2020 წლის 21 ოქტომბერს საქართველოს ბანკის ზუგდიდის ფილიალში შეიარაღებული პირი შეიჭრა, რომელმაც მძევლები აიყვანა. ის ნახევარ მილიონ დოლარს, ასევე, ვერტმფრენს ან მანქანით, მძევლებთან ერთად ტერიტორიის უსაფრთხოდ დატოვების გარანტიას ითხოვდა.

  • ღამის 11 საათისთვის თავდამსხმელმა სამ მძევალთან ერთად საქართველოს ბანკის ტერიტორია დატოვა და გაურკვეველი მიმართულებით წავიდა, დანარჩენი მძევლები კი სამართალდამცავებმა შენობიდან გამოიყვანეს.
  • დილის ხუთი საათისთვის ცნობილი გახდა, რომ თავდამსხმელმა სამივე მძევალი გაათავისუფლა და თავად ფულთან ერთად გაიქცა.

დეტალები: ესებუას ახალი ბრალი ცეცხლსასროლი იარაღისა და საბრძოლო მასალის შეძენა და შენახვის ფაქტზე წარუდგინა.

  • მას 2020 წლის 27 ნოემბერს დაუსწრებლად წარედგინა ბრალდება შემდეგი მუხლებით: სსკ-ის 323-ე მუხლის პირველი ნაწილი (ტერორისტული აქტი);
  • სსკ-ის 329-ე მუხლის პირველი ნაწილი (მძევლად ხელში ჩაგდება ტერორისტული მიზნით), სსკ-ის 150-ე მუხლის პირველი ნაწილით (იძულება);
  • სსკ-ის 236-ე მუხლის მე-3 და მე-4 ნაწილები (ცეცხლსასროლი იარაღის, საბრძოლო მასალისა და ასაფეთქებელი მოწყობილობის მართლსაწინააღმდეგო შეძენა, შენახვა, ტარება).