არხის ცნობით, ბადრი ესებუა სოფელ ჯიხაშკარში აიყვანეს.

რატომ არის მნიშვნელოვანი: ესებუა დღეს, 8 თებერვალს 2-წლიანი ძებნის შემდეგ დააკავეს.

  • მის წინააღმდეგ გამოძიება რამდენიმე, მათ შორის, ტერორიზმის მუხლით მიმდინარეობს — დანაშაულები 15 წლით თავისუფლების აღკვეთას ითვალისწინებს.
  • შინაგან საქმეთა სამინისტროს ცნობით, დაკავების ადგილიდან ამოღებულია ცეცხლსასროლი იარაღი და ვაზნები.

დეტალები: მთავარი არხის ცნობით, ბადრი ესებუა ნათესავების სახლში 2 წლის განმავლობაში იმალებოდა, დაკავების სპეცოპერაცია კი ოპერატიული ინფორმაციის საფუძველზე ჩატარდა.

  • ესებუას ადვოკატის, სოსო ჯანაშიას თქმით, ესებუა ქუთაისის ნომერ მეორე პენიტენციურ დაწესებულებაშია გადაყვანილი.

არქივიდან: 2020 წლის 21 ოქტომბერს საქართველოს ბანკის ზუგდიდის ფილიალში შეიარაღებული პირი შეიჭრა, რომელმაც მძევლები აიყვანა. ის ნახევარ მილიონ დოლარს, ასევე, ვერტმფრენს ან მანქანით, მძევლებთან ერთად ტერიტორიის უსაფრთხოდ დატოვების გარანტიას ითხოვდა.

  • ღამის 11 საათისთვის თავდამსხმელმა სამ მძევალთან ერთად საქართველოს ბანკის ტერიტორია დატოვა და გაურკვეველი მიმართულებით წავიდა, დანარჩენი მძევლები კი სამართალდამცავებმა შენობიდან გამოიყვანეს.
  • დილის ხუთი საათისთვის ცნობილი გახდა, რომ თავდამსხმელმა სამივე მძევალი გაათავისუფლა და თავად ფულთან ერთად გაიქცა.
  • მძევალი გაათავისუფლა და თავად ფულთან ერთად გაიქცა.
    12 დეკემბერს დააკავეს ბადრი ესებუას ძმა, ბიძინა ესებუა. ის ცეცხლსასროლი იარაღის, საბრძოლო მასალის, ფეთქებადი ნივთიერებისა და ასაფეთქებელი მოწყობილობის მართლსაწინააღმდეგო ტარების ბრალდებით დააკავეს.