შესაბამისი განცხადება საელჩომ 7 თებერვალს გაავრცელა.

რატომ არის მნიშვნელოვანი: თურქეთ-სირიის საზღვართან ორშაბათს დილით მომხდარ დამანგრეველ, 7,8 ბალიან მიწისძვრას ბოლო 2 დღის განმავლობაში ასზე მეტი განმეორებითი ბიძგი მოჰყვვა, მათ შორის 7 და 5-ბალიანები.

  • თურქეთისა და სირიის რამდენიმე ქალაქი თითქმის მთლიანად განადგურდა, რასაც ათასობით ადამიანი ემსხვერპლა.
  • ბოლო მონაცემებით, მხოლოდ თურქეთში, სულ მცირე, 6 234 ადამიანია დაღუპული.
  • მოსალოდნელია, რომ ეს რიცხვი გაიზრდება, რადგან სამაშველო სამუშოები ჯერ კიდევ გრძელდება.

დეტალები: საელჩოში ამბობენ, რომ საჭირო ნივთების შეგროვების შემდეგ მათ ტრანსპორტირებას დაზარალებულ რეგიონებში თავად უზრუნველყოფენ.

  • "საელჩო მოხარული იქნება, თუ შემოწირული ნივთები იქნება ახალი, ზამთრის პირობებისთვის შესაფერისი, ღია პაკეტში მოთავსებული", — ნათქვამია განცხადებაში.

მოთხოვნადი ნივთები, რომლებითაც ნებისმიერ მოქალაქეს შეუძლია, მიწისძვრით დაზარალებულებს დაეხმაროს ასეთია:

  • ქურთუკი-პალტო;
  • საწვიმარი;
  • ჯემპრი;
  • ხელთათმანი;
  • შარფი/კაშნე;
  • ბერეტი;
  • წინდა;
  • საბანი;
  • საძილე ტომარა;
  • საკვები ამანათი (მშრალი და დაკონსერვებული საკვები);
  • ბავშვთა კვება;
  • ბავშვის საფენები;
  • დასუფთავებისა და ჰიგიენის საშუალებები;
  • ქალის ჰიგიენური პაკეტები.

მისამართები, სადაც მსურველები დახმარების მიტანას 10 თებერვალს, პარასკევს, დღის ბოლომდე შეძლებენ:

  • თურქეთის საელჩო
    ი. ჭავჭავაძის პრ. 35, თბილისი
    Embassy.tbilisi@mfa.gov.tr
    ბელიზ თურფჩუ: 511 130 198
    ბორან ჯან ქოჩბოღანი: 599 033 560
    ქართულ ენაზე სატელეფონო ზარებისათვის — დურან ქარაბაჯაქი 577200914
  • GÜRTİAD თავისუფლების მოედანი #4, თბილისი
    gurtiad@gurtiad.ge
    მერთ იუმუშაქერი: 577 562 000
  • MÜSİAD
    ი. ჭავჭავაძის პრ. #37
    Musiadtbilisi@hotmail.com
    ხათუნა: 557 505 946
  • შპს იონფაში ჯორჯია, საწყობი
    ლიბანის 4/გ, ავჭალა, თბილისი
    ისა ალთუნი: 577 562 007