შვედმა რეჟისორმა რუბენ ოსტლუნდმა, რომელმაც წელს კანში ფილმისთვის The Square ოქროს პალმის რტო მოიპოვა, ახალი ფილმი დააანონსა.

ოსტლუნდის ახალი ფილმი Triangle of Sadness ორი ცნობილი ტოპ-მოდელის ისტორიას მოგვითხრობს, რომლებიც ხვდებიან, რომ მათი კარიერა ნელ-ნელა დასასრულისკენ მიდის.

კაცი მოდელი აღმოაჩენს, რომ გამელოტების შემდეგ მას უფრო ნაკლებად იწვევენ ჩვენებებსა და ფოტოსესიებზე, ქალი საკუთარი ლესბოსელობას მალავს იმისათვის, რომ მდიდარ კაცზე დაქორწინდეს.

"მოდის ბიზნეში სამწუხაროდ ადამიანები ახალგაზრდა ასაკშივე კარგავენ დიდებას. განსაკუთრებით კი კაცები, რომლებიც ძალიან მალე ხდებიან არასასურველები ამ სფეროში. ქალები კი ხშირად ქორწინდებიან მდიდარ კაცებზე, იმ შემთხვევაშიც კი თუ მათ საერთოდ არ იზიდავთ კაცები, ისე, როგორც ეს ჩემი ფილმის პროტაგონისტის შემთხვევაში ხდება", ამბობს ოსტლუნდი.