ამის შესახებ ფინეთის პრემიერმინისტრმა მსოფლიო ეკონომიკურ ფორუმზე ისაუბრა.

რატომ არის მნიშვნელოვანი: ფინეთის პრემიერმინისტრის განცხადებით, ეს მისი ქვეყნისთვის ალიანსში გაწევრიანების მთავარი მოტივაცია იყო.

  • მარინის თქმით, 2014 წელს, როდესაც რუსეთმა ყირიმის ანექსია მოახდინა, ევროპასა და მის მოკავშირეებს უფრო ხისტად უნდა ემოქმედათ.
  • "ჩვენ უნდა ვისწავლოთ ამ დღისგან [...] შეგვიძლია გადავხედოთ ისტორიას და საკუთარ თავს ვკითხოთ, უნდა იყოს თუ არა უკრაინა უკვე NATO-ს წევრი", — განაცხადა მან მსოფლიო ეკონომიკურ ფორუმზე.

დეტალები: მისი განცხადებით, უნდათ ალიანსის წევრობა, რადგან ფინეთში ომი აღარასდროს სურთ და იმედი გამოთქვა, რომ შვედეთისა და ფინეთის რატიფიკაციის პროცესი, "რაც შეიძლება სწრაფად" წარიმართება.

  • თურქეთსა და უნგრეთს შვედეთისა და ფინეთის NATO-ში გაწევრიანებაზე თანხმობის რატიფიცირება ჯერ კიდევ არ მოუხდენიათ.
  • ბუდაპეშტის განცხადების მიუხედავად, რომ სამხედრო ბლოკის უახლოეს გაფართოებას მხარს მალე დაუჭერენ, თურქეთისგან ჯერჯერობით გზავნილი არ ყოფილა.
  • მარინის თქმით კი, ესაუბრა თურქეთის პრეზიდენტ ერდოღანს, რომელმაც განუცხადა, რომ ფინეთთან დაკავშირებით დიდი პრობლემები არ არსებობს.
  • "მაგრამ ჩვენი აზრით, ძალიან მნიშვნელოვანია, რომ ფინეთი და შვედეთი ერთად შევიდნენ NATO-ში, რადგან საერთო უსაფრთხოებას ვიზიარებთ", — დასძინა მან.