საქართველოს სახელმწიფო უსაფრთხოების სამსახურის ანალიტიკური დეპარტამენტის დირექტორის მოადგილემ, ირაკლი ანთაძემ განაცხადა, რომ საოკუპაციო რეჟიმის მიერ უკანონოდ დაკავებული პირი სოსო დვალიშვილია.

რატომ არის მნიშვნელოვანი: დღეს სოფელ ერგნეთში ინციდენტების პრევენციისა და მათზე რეაგირების მექანიზმის ფარგლებში 110-ე შეხვედრა გაიმართა.

  • ამჟამად, ცხინვალის ციხეში უკანონო პატიმრობაში საქართველოს 7 მოქალაქე იმყოფება.
  • სუს-ის ცნობით, აქვთ ინფორმაცია დაკავებულების შესახებ და მუდმივ კავშირში არიან მათ ოჯახის წევრებთან.
  • ანთაძის თქმით, არ არსებობს არავითარი წინაპირობა, რომ დაკავებულები უკანონო პატიმრობაში იმყოფებოდნენ.

დეტალები: საოკუპაციო რეჟიმმა საქართველოს მოქალაქე გუშინ გვიან ღამით, სოფელ ერგნეთში დააკავა.

  • ანთაძის განცხადებით, თბილისმა დვალიშვილის დაუყოვნებლივ გადაცემა მოითხოვა.
  • "მიმდინარეობს ე.წ. პროცედურები და გადაწყვეტილება გვეცნობა ცხელი ხაზით", — აღნიშნა მან.