ნგუენ ჩუან ფუკი ქვეყნის პრეზიდენტი დაახლოებით 2 წელი იყო.

რატომ არის მნიშვნელოვანი: თანამდებობა ფუკიმ მას შემდეგ დატოვა, რაც მმართველმა კომუნისტურმა პარტიამ მისი პრემიერმინისტრობის პერიოდში ოფიციალური პირები კანონდარღვევებში დაადანაშაულა.

  • ის იყო ყველაზე მაღალი თანამდებობის პირი, რომელიც მმართველი პარტიის კორუფციის წინააღმდეგ ბრძოლის მთავარი სამიზნე გახდა.

  • 68 წლის ფუკი პრემიერის პოსტს 2016-2021 წლებში იკავებდა.

დეტალები: ვიეტნამში ძალაუფლება პარტიის მდივანს, პრეზიდენტს, პრემიერსა და საკანონმდებლო ორგანოს თავმჯდომარეს შორის ნაწილდება.

  • მთავრობის განცხადებით, ფუკიმ პარტიისა და ხალხის წინაშე პასუხისმგებლობის სრული გაცნობიერებით, გადადგომაზე განცხადება წარადგინა.
  • ჯერჯერობით უცნობია მისი შემცვლელის ვინაობა.
  • ფუკის შესაძლო გადადგომაზე ინფორმაცია ბოლო კვირების მანძილზე ვრცელდებოდა, კერძოდ, მას შემდეგ, რაც იანვარში ორი მინისტრის მოადგილე გაათავისუფლეს.