ზელენსკი: ეს წელი გადამწყვეტია, მთელ თავისუფალ სამყაროში კიდევ მეტი მობილიზაცია გვჭირდება

13 Jan. 2023, 20:12

ეს წელი გადამწყვეტია, ახლა ჩვენ კიდევ უფრო მეტი მობილიზაცია გვჭირდება — მთელ თავისუფალ სამყაროში. ეს არის ერთადერთი გზა, ბოლო მოეღოს სრულმასშტაბიან აგრესიას. [...]

ჩვენ გვჭირდება სასწრაფო გადაწყვეტილებები ჩვენი ანტი-ომის კოალიციისთვის. ახალი თავდაცვითი გადაწყვეტილებები, რომლებიც უკრაინელ ჯარისკაცებს მისცემს შესაძლებლობას, გააძევონ რუსული არმია ჩვენი მიწიდან. ეს პირველ რიგში ეხება თანამედროვე ტანკებს და ეფექტურ არტილერიას.

ჩვენ გვჭირდება ახალი სანქციების გადაწყვეტილებები, რომლებიც შეინარჩუნებენ მუდმივ და გადაულახავ ზეწოლას აგრესორ სახელმწიფოზე და ყველა ეკონომიკურ აქტორზე, რომელიც უზრუნველყოფს აგრესიის გაგრძელებას.

ჩვენ გვჭირდება საერთაშორისო ტრიბუნალი, რომელიც მართლმსაჯულების წინაშე დააყენებს მათ, ვისმა ბოროტმა გონებამაც ეს დანაშაული — ეს ომი გამიწვია. როდესაც დღევანდელი მოსკოვის რევანშისტები აღმოჩნდებიან სამართლიანი სასამართლოს წინაშე, ეს იქნება ისტორიული სასჯელი იმ რევანშისტებისთვის, რომლებიც თაობების წინ ცდილობდნენ ჩვენი თავისუფლების დარღვევას.

ბოლო ამბები: