გიორგი გუგუჩიას ინფორმაციით, ელექტროენერგია არ მიეწოდება 114 მუნიციპალიტეტს.

რატომ არის მნიშვნელოვანი: რამდენიმე დღეა დასავლეთ საქართველოში ძლიერი ქარია.

  • სტიქიის შედეგად დაზიანდა ელექტროგადამცემი ხაზები და ბუნებრივი აირის მილები, რის გამოც ზოგიერთ რეგიონში ჯერ კიდევ არ აქვთ გაზი და ელექტროენერგია.
  • ძლიერი ქარის შედეგად წაქცეული ხეების გამო პერიოდულად იხერგება გზებიც.
  • მუნიციპალიტეტები მოსახლეობას მოუწოდებენ, სტიქიით გამოწვეული სხვადასხვა სახის საფრთხის ან დაზიანების შემთხვევაში, მიმართონ გადაუდებელი დახმარების ოპერატიული მართვის ცენტრს, 112-ს ან დარეკონ თვითმმართველი ორგანოების ცხელ ხაზზე.

დეტალები: რწმუნებულის ცნობით, ასევე, დაზიანებულია 2 ამბულატორიული შენობის, 5 საბავშვო ბაღის, 3 საჯარო სკოლის დარბაზის, 10 ადმინისტრაციული შენობის სახურავი.

  • გუგუჩიას თქმით, უსაფრთხოებიდან გამომდინარე ზუგდიდის მთავარი ნაძვის ხის დემონტაჟის გადაწყვეტილებაც მიიღეს.