ინფორმაციას ამის შესახებ უკრაინული მედია რუსულ გამოცემაზე დაყრდნობით ავრცელებს.

რატომ არის მნიშვნელოვანი: Pravda-ს ცნობით, რუსეთის ჯარისკაცთა დედათა კომიტეტის მდივანი ვალენტინა მელნიკოვა რუსეთში გავრცელებულ პრაქტიკაზე საუბრობს, რომლის მიხედვითაც, დაშავებული სამხედრო მოსამსახურეები, საბრძოლო ზონაში სამედიცინო კოლეგიის გადაწყვეტილების გარეშე იგზავნებიან.

  • გამოცემის განმარტებით, ჯარისკაცებს სხეულში ნამსხვრევებით ან ფილტვებში ნახვრეტებით აბრუნებენ ფრონტზე.
  • მათივე ცნობით, უფლებადამცველებმა ეს ქმედებები უკანონოდ გამოაცხადეს და აღნიშნეს, რომ დაშავებულ რუს ჯარისკაცებს შეუძლიათ, უარი თქვან ომში წასვლაზე და ამის საფუძველზე დაწერონ ოფიციალური ანგარიში.

დეტალები: მელნიკოვამ განაცხადა, რომ ჯარისკაცები, რომლებიც გამოჯანმრთელდნენ ფილტვების მძიმე დაზიანებებისგან, ჭურვების ფრაგმენტებით სხეულში და მათ, ვინც განიცადა გულის შეტევა ან ინსულტი, მაინც ფრონტის ხაზზე აბრუნებენ.

  • მედიის ცნობით, რუსეთის თავდაცვის სამინისტრომ მოამზადა ინსტრუქციები 2022 წელს გაწვევის დროს სამედიცინო შემოწმების შესახებ.
  • სადაც ნათქვამია, რომ "მობილიზებულ სამხედრო სამსახურში გამოძახებულ მოქალაქეთა სამედიცინო გამოკვლევები ტარდება III სვეტის მიხედვით.
  • მელნიკოვა ამბობს, რომ ეს ის სვეტია, რომლის მიხედვითაც ყველა გაწვეული ფასდება, როგორც სამსახურისთვის "ვარგისი".

Pravda რუსულ მედიაზე დაყრდნობით წერს, რომ რუსეთის სამხედრო ხელმძღვანელობის არ სურს დაშავებულები სამედიცინო საბჭოში გაგზავნოს.

  • გამოცემა ამბობს, რომ ამ ფორმით პუტინი იმ თანხებს ზოგავს, რომლებიც, შესაძლოა, დაშავებულმა ჯარისკაცებმა მოითხოვონ.