ირაკლი ღარიბაშვილმა და ნიკოლ ფაშინიანმა ხელი მოაწერეს დოკუმენტს, რომლის შედეგადაც საქართველოს და სომხეთის მოქალაქეები საზღვარს ბიომეტრიული პირადობის მოწმობებით გადაკვეთენ.

რატომ არის მნიშვნელოვანი: ეს ორ მეზობელ ქვეყანას შორის მიმოსვლას გაამარტივებს — მსგავსი პირობებით საქართველოს მოქალაქეები თურქეთში გადასვლისას სარგებლობენ.

  • სომხეთის საგარეო საქმეთა მინისტრის განცხადებით, საქართველოსთან განსაკუთრებული ურთიერთობების დამყარება ქვეყნისთვის პრიორიტეტულია.
  • უწყების ინფორმაციით, 2019 წელს საქართველოს სომხეთის 1 მილიონ 365 ათასი მოქალაქე ეწვია.
  • "საქართველო ასევე არის ჩვენი მოქალაქეების ერთ-ერთი საყვარელი ბიზნეს და დასასვენებელი ადგილი", — აღნიშნა მირზოიანმა.

დეტალები: ერევანში ღარიბაშვილისა და ფაშინიანის თავმჯდომარეობით ორი ქვეყნის მთავრობათაშორისი ეკონომიკური კომისიის სხდომა გაიმართა.

  • სწორედ ამ სხდომის დასრულების შემდეგ მოაწერეს მათ ხელი მიმოსვლის გასამარტივებელ დოკუმენტს.
  • შედეგად, საქართველოს და სომხეთის მოქალაქეებს საზღვრის გადაკვეთისას საზღვარგარეთის პასპორტების წარდგენა აღარ დასჭირდებათ.
  • სომხეთის პრემიერ-მინისტრმა, ნიკოლ ფაშინიანმა აღნიშნა, რომ ქართველ პარტნიორებთან ნაყოფიერ მუშაობას აპირებს გადაწყვეტილებასთან დაკავშირებული შესაძლო რისკების პრევენციისთვის.