ლეგენდარული იტალიელი ფეხბურთელი და მწვრთნელი ჯანლუკა ვიალი 58 წლის ასაკში გარდაიცვალა. ვიალი, რომელიც ვარსკვლავური კარიერის პერიოდში ჩელსიში თამაშობდა, ბოლო წლების განმავლობაში პანკრეასის სიმსივნეს ებრძოდა.

ფეხბურთელმა თავდამსხმელის რანგში კარიერა მშობლიურ კლუბ კრემონეზეში 1980 წელს დაიწყო. ვიალის კარიერაში მომდევნო კლუბი სამპდორია იყო, შემდეგ კი იუვენტუსში გადავიდა. იუვენტუსში თამაშისას მან 102 მატჩში 38 გოლი გაიტანა. 1996 წელს ვიალი ჩელსის შეუერთდა და 58 მატჩში 21 გოლის გატანა შეძლო. მოგვიანებით ვიალი ჩელსის მართვაში ჩაერთო და გუნდის მოთამაშე მწვრთნელიც გახდა.

ფოტო: Twitter

ჯანლუკა ვიალის სიმსივნის დიაგნოზი 2017 წელს დაუსვეს და მან პირველი ქიმიოთერაპიის კურსიც ჩაიტარა. მიუხედავად იმისა, რომ მკურნალობის შემდეგ ფეხბურთელის მდგომარეობა ცოტა ხნით გაუმჯობესდა, 2021 წელს მან განაცხადა, რომ დაავადებას ისევ ებრძოდა.