უკრაინის პრეზიდენტის მრჩეველმა, ალექსეი არესტოვიჩმა და უფლებადამცველმა, მარკ ფეიგინმა ამის შესახებ YouTube არხზე, ფეიგინის გადაცემაში ისაუბრეს.

რატომ არის მნიშვნელოვანი: სააკაშვილის ოჯახის წევრები, ექიმები და ადვოკატები ექსპრეზიდენტის ჯანმრთელობის მდგომარეობის მკვეთრ გაუარესებაზე დიდი ხანია, საუბრობენ და საზღვარგარეთ მის სამკურნალოდ გადაყვანას ითხოვენ.

  • ყოფილი პრეზიდენტის ჯანმრთელობის მდგომარეობაზე ცენტრ ემპათიის დასკვნაში ნათქვამია, რომ "მოსალოდნელია კომა და სიკვდილი".
  • სააკაშვილის სამკურნალოდ გადაყვანის თხოვნით საქართველოს ხელისუფლებას უკრაინის პრეზიდენტმა, საგარეო უწყებამ და ომბუდსმენმაც მიმართეს.
  • 12 დეკემბერს სტრასბურგში გამართულ პრესკონფერენციაზე კი ევროპარლამენტარებმა, მირიამ ლექსმანმა და ანა ფოტიგამ ქართულ ოცნებას მოუწოდეს, გათავისუფლდეს სააკაშვილი ჯანმრთელობის მდგომარეობის გამო.

დეტალები: ფეიგინის თქმით, მათ პრეზიდენტ ზურაბიშვილის რეაქციის იმედი ჰქონდათ, თუმცა, რადგან არც მას და არც ხელისუფლებას ზელენსკის მიმართვაზე რეაქცია არ ჰქონიათ, აპირებენ, თავად გამართონ საერთაშორისო აქცია.

  • "ვფიქრობთ, სწორი იქნება მხარი დავუჭიროთ სააკაშვილს მარტივად. ჩავატარებთ გლობარულ აქციას — გადავარჩინოთ მიშა", — თქვა მან.
  • მისივე განცხადებით, აქცია 4 იანვარს მთელს მსოფლიოში, საქართველოს საელჩოებთან და საკონსულოებთან გაიმართება.
  • "გამოდით მთელს მსოფლიოში, მთავარ დედაქალაქებში, საქართველოს ყველა საელჩოსთან და საკონსულოსთან. მოდით პლაკატებითა და მოთხოვნებით, რომ მოხდეს ზეწოლა საქართველოს ხელისუფლების დიპლომატიურ წარმომადგენლობაზე", — მოუწოდა ფეიგინმა მაყურებლებს.

არესტოვიჩის თქმით, ისინი არ ერევიან საქართველოს შიდა საქმეებში და ამ შემთხვევაში საუბარი ადამიანის სიცოცხლის გადარჩენაზეა.

  • "თქვენ გამოდიხართ ადამიანის მხარდასაჭერად, რომელსაც საჩვენებლად ანადგურებენ ციხეში. ეს ადამიანობის წინააღმდეგ დანაშაულია", — თქვა მან.