მდედრ გველებს კლიტორი აქვთ, თანაც ორი — ახალი კვლევა
![](http://rachel.on.ge/2022/12/15/1671099079_639af4e86d508.jpg)
ფოტო: Getty Images
ახალი კვლევის მიხედვით, რომლის მიზანიც ცხოველთა სასქესო ორგანოების შესწავლა იყო, მეცნიერებმა დაადგინეს, რომ მდედრ გველებს ორი კლიტორი აქვთ. მკვლევრებმა ასევე განაცხადეს, რომ ორგანოების შესახებ წინა კვლევაში ეგზოკრინული ჯირკვლებისა და პენისის განუვითარებელი ვერსიების შესახებ შეცდომა იყო დაშვებული.
ჟურნალ Proceedings of the Royal Society B-ში გამოქვეყნებული კვლევის მიხედვით, მდედრ გველებს ორი ინდივიდუალური კლიტორი — ჰემიკლიტორი — აქვთ, რომლებიც გამოყოფილია ქსოვილით და კუდის ქვედა მხარეს კანით არის დაფარული.
"მამრებთან შედარებით, მდედრი ქვეწარმავლების სასქესო ორგანოები უფრო შეუმჩნეველია, რაც სქესობრივი გამრავლების შესახებ ჩვენს ცოდნას ზღუდავს", — ვკითხულობთ კვლევაში.
![](http://chandler.on.ge/2022/12/15/1671099119_639af4e84e131.jpg)
ფოტო: La Trobe University
ცნობილია, რომ მამრობითი სქესის გველებსა და ხვლიკებს ჰემიპენისები აქვთ. ეს არის პენისების წყვილი, რომელიც გამრავლების დროს სხეულის გარეთ იშლება. თუმცა ბევრ სახეობაში ჰემიპენისები გარედან დაფარულია.
გველების სასქესო ორგანოების შესახებ კვლევა მას შემდეგ განახლდა, რაც ისტორიაში პირველად, მეცნიერებმა ქალის კლიტორის ნერვული დაბოლოებები დათვალეს. აქამდე მიიჩნეოდა, რომ კლიტორში დაახლოებით 8 ათასი ნერვული დაბოლოება გვხვდება, რაც ძროხებზე ჩატარებულ კვლევას ეფუძნებოდა. ახალი კვლევის თანახმად კი, კლიტორში არსებულ ნერვულ ბოჭკოთა რიცხვი დაახლოებით 10 ათასს უტოლდება.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები