მსოფლიოს ერთ-ერთმა უდიდესმა პორნოგრაფიულმა ვებსაიტმა, PornHub-მა, წლის მიწურულს, ტრადიციულად, დაჯამებული სტატისტიკა და მონაცემები გამოაქვეყნა.

წლის შემაჯამებელი ანგარიში მოიცავს მრავალგვარ მონაცემს იმ საკითხზე, რომელიც საზოგადოების უმეტეს ნაწილში ტაბუირებულია. თუმცა, ასეთ სოციუმში რომ ტაბუირებული თემები აქტუალურია ხოლმე, ამას პორნჰაბის წლევანდელი ანალიზიც ადასტურებს.

მაგალითად, ის ფაქტი, რომ საქართველოში, სადაც ჰომოფობია კვლავ რჩება ერთ-ერთ მწვავე პრობლემად, წელსაც ყველაზე ხშირად ლესბოსურ პორნოს უყურებდნენ. სხვათა შორის, ეს კატეგორია ყველაზე პოპულარული იყო გასულ წლებშიც.

ფოტო: Pornhub

აღსანიშნავია, რომ მსგავსი პარადოქსული მდგომარეობა შეიმჩნევა გლობალურ სტატისტიკაშიც. ქვეყნების დიდ ნაწილში ტრანსფობიური განწყობების მიუხედავად, ტრანსგენდერის კატეგორიის ვიდეოებს პორნჰაბზე გასულ წელს სტატისტიკის 75-პროცენტიანი მატება ჰქონდა. ამასთან, ეს კატეგორია კაცების ნანახი ვიდეოების რეიტინგში მე-8 ადგილს იკავებს. ამავე რეიტინგში ლესბოსური პორნო მე-5 ადგილზეა. სხვათა შორის, ტერმინი "ლესბოსურიც" მე-4 ყველაზე ხშირად მოძებნილი ტერმინი გახლდათ საიტზე გასულ წელს.

ასევე იხილეთ: