გერმანიაში 72 წლის ქალი დააკავეს მას შემდეგ, რაც ერთ-ერთ კლინიკაში პაციენტს ორჯერ გამოურთო სასუნთქი აპარატი. მისი თქმით, აპარატის ხმა აწუხებდა, რადგან მათ ერთი პალატის გაზიარება უწევდათ. ქალი ეჭვმიტანილია მკვლელობის განზრახ მცდელობაში.

პოლიციისა და პროკურორების თქმით, როცა ეჭვმიტანილმა სასუნთქი აპარატი პირველად გამოურთო მეზობელს, მედპერსონალმა აუხსნა, რომ ის სასიცოცხლოდ აუცილებელი იყო მასზე მიერთებული პაციენტისთვის, თუმცა მან იმავე საღამოს მოგვიანებით მეორედაც გათიშა აპარატი.

ქალაქის პოლიციამ და პროკურორებმა ერთობლივი განცხადება გააკეთეს:"ეჭვმიტანილმა პირველად საღამოს 8 საათზე გამორთო სასუნთქი აპარატი, რადგან ჟანგბადის გამტარიდან გამოსული ხმა ნერვებს უშლიდა. მიუხედავად იმისა, რომ კლინიკის პერსონალმა გააფრთხილა, სასუნთქი აპარატის მუშაობის აუცილებლობაზე, საღამოს 9 საათისკენ მან ისევ გამორთო აპარატი."

დაზარალებული 79 წლის პაციენტის სიცოცხლე საფრთხეში აღარაა, თუმცა ინტენსიური მკურნალობა ესაჭიროება.

ეჭვმიტანილი ამჟამად საპატიმროში იმყოფება, გამოძიება კი კვლავ მიმდინარეობს.