მიხელ სარჯველაძე პალიტრანიუსის ეთერში ჩეხეთის ელჩის გაკეთებულ განცხადებებს გამოეხმაურა.

რატომ არის მნიშვნელოვანი: პეტრ მიკისკამ განაცხადა, რომ 2022 წელს ჩეხეთიდან საქართველოში ექსპორტი თითქმის გაორმაგდა და სავარაუდოა, რომ ამ ექსპორტის ნაწილი რუსეთში მიდის.

  • ელჩის განმარტებით, თუ დადასტურება, რომ საქართველო რუსეთს სანქციების გვერდის ავლაში ეხმარება, ამას შესაბამისი შედეგები მოჰყვება.
  • "ეს იქნება ერთ-ერეთი კრიტერიუმი, როდესაც შევაფასებთ საქართველოს მზაობას კანდიდატის სტატუსისთვის და არამხოლოდ ის 12 რეკომენდაცია", – განაცხადა ელჩმა.

  • საქსტატის მონაცემებით, ჩეხეთიდან საქართველოში იმპორტმა გასულ წელს $79 მილიონი შეადგინა, წელს კი ეს მაჩვენებელი $126 მილიონია და 61%-ით არის გაზრდილი

დეტალები: სარჯველაძის განცხადებით, ჩეხეთის ელჩი მტკიცებით ფორმაში საუბრობს და ამით დიდ პასუხისმგებლობას იღებს თავის თავზე და ასევე, "დიდ პასუხისმგებლობას ჰკიდებს იმ სახელმწიფოს, რომელსაც ის წარმოადგენს".

  • მიხეილ სარჯველაძის განმარტებით, უკრაინიდან გარკვეული საქონლის იმპორტირება ომმა შეაფერხა.
  • "როცა ასეთ დროს იზრდება ვაჭრობა ევროკავშირის რომელიმე სახელმწიფოსთან და თან იმ ფონზე, რომ სასურველი არაა ისეთი მომწოდებლების ძებნა, რომელიც ევროკავშირს მიღმაა, არ ვიცი ამაში უცნაური რა არის", — განაცხადა მან.
  • სარჯველაძის აზრით, უნდა გაანალიზდეს თუ რის ხარჯზე გაიზარდა იმპორტი.
  • "თუ ერთი მოქალაქე გავიდა და შემოიტანა რამდენიმე ცალი ნივთი, წაიღო რუსეთში, რომელიც იქ დღეს დეფიციტურია, ეს არ ნიშნავს იმას, რომ ეს შავი ხვრელია. აქ ლაპარაკია მასიურ ტრანსპორტირებაზე", — დასძინა მან.