ინფორმაცია თავდაპირველად TV პირველის საინფორმაციო სამსახურის უფროსმა, ნოდარ მელაძემ გაავრცელა. ინფორმაცია On.ge-ს კალაძის ადვოკატმა, დიმიტრი გაბუნიამაც დაიდასტურა.

რატომ არის მნიშვნელოვანი: მერი "პატივის, ღირსებისა და საქმიანი რეპუტაციის შემლახველი ცნობების" უარყოფასა და მორალური ზიანის სახით 100 ათასი ლარის ანაზღაურებას ითხოვდა.

  • კალაძე ამბობდა, რომ გადაცემაში მამულაშვილმა თქვა "სიმართლესთან შეუსაბამო" ინფორმაცია, რომ მან "ერთ-ერთ ტენდერში ჯიბეში ჩაიდო 60 მილიონი".
  • ტელევიზიის იურისტი, ქეთი ზანდუკელი აღნიშნავდა, რომ ინფორმაცია პირველად არა მამულაშვილის ეთერში, არამედ 2019 წლის 18 მაისს გავრცელდა და მას შემდეგ არაერთმა წყარომ, თუ პირმა საჯარო სივრცეში გაიმეორა.

TV პირველის იურისტი On.ge-სთან ამბობს, რომ სარჩელი ძირითად ნაწილში დაკმაყოფილდა იმ მხრივ, რომ მამულაშვილის განცხადება ცილისწამებად ჩაითვალა და ტელევიზიასა და ჟურნალისტს ცნობების უარყოფა დაევალა.

  • რაც შეეხება მორალური ზიანის ნაწილს, ზანდუკელმა აღნიშნა, რომ კალაძე 100 ათასს ითხოვდა, რაც სასამართლომ 15 ათასი ლარით დააკმაყოფილა.
  • "რაც ძალიან მაღალია ჩვენ პრაქტიკისა და სტანდარტების, თუნდაც, საერთაშორისო სტანდარტების გათვალისწინებით".

ნოდარი მელაძის თქმით, TV პირველი ამ თანხას ვერ გადაიხდის, რადგან ანგარიშებს ინკასო ადევს.

  • "შესაბამისად, შემდეგი ნაბიჯი იქნება ის, რომ კალაძე აღსრულებას მიმართავს, რომ ტელევიზიიდან კამერები წაიღოს, ან მამულაშვილის სახლიდან ამ თანხის ოდენობის ნივთები, სამეული, მაცივარი ან ტელევიზორი", — წერს ის.