საქართველოს პრემიერმინისტრმა, გიორგი კვირიკაშვილმა, მთავრობის სხდომაზე განაცხადა, რომ ქვეყანაში თვითმმართველობა განვითარდება, თუმცა აუცილებელია მისი რეფორმა და კორექტირებები:

"14 მუნიციპალიტეტის რაოდენობას ვამცირებთ 7-მდე, რაც არამც და არამც არ ნიშნავს, უპირველეს ყოვლისა, ბიუჯეტის შემცირებას ამ მუნიციპალიტეტებში. მუნიციპალური ბიუჯეტები გაერთიანდება, როდესაც ჩვენ ქალაქისა და რაიონის მუნიციპალიტეტებს გავაერთიანებთ. ავტომატურად დაჯამდება ბიუჯეტი, რომელიც არსებობდა ამ ქალაქსა თუ რაიონში და არავითარ შემთხვევაში მას არც ერთი თეთრი არ მოაკლდება".

კვირიკაშვილმა აღნშნა, რომ იმ რეგიონებში, სადაც მუნიციპალიტეტები მცირდება "ორხელისუფლებიანობა" იყო. მისი თქმით, ბოლო სამ წელში გამოკვეთილმა პრობლემებმა აჩვენა, რომ თვითმმართველობის რეფორმა კორექტირება სჭირდებოდა. კვირიკაშვილი ამბობს, რომ დასახლებებში ტერიტორიული ორგანოების შექმნით შესაძლებელი გახდება საჭირობების მუნიციპალიტეტებამდე მიტანა.

მინისტრთა კაბინეტი ადგილობრივი თვითმმართველობის კოდექსში შესატან ცვლილებებს განიხილავს.