შეხვედრის ამსახველი კადრები რუსულმა სახელმწიფო მედიამ გაავრცელა.

რატომ არის მნიშვნელოვანი: რუსეთში იზრდება უკრაინაში შეჭრის მოწინააღმდეგეთა რიცხვი.

  • მომსახურე ჯარისკაცების დედების ჯგუფები ღიად ჩივიან, რომ მათ შვილებს ბრძოლის ველზე ცუდად გაწვრთნილებს, საჭირო იარაღისა და ტანსაცმლის გარეშე აგზავნიან.
  • ზოგიერთი დედა რუს სამხედროებს ადანაშაულებს, რომ მათი შვილები "ქვემეხების საკვებად" არიან გადაქცეულნი, განსაკუთრებით კი ბოლო თვეების მძიმე სამხედრო მარცხების შემდეგ.
  • კრემლმა სექტემბერში აღიარა, რომ არმიის რეზერვისტების მობილიზებისას შეცდომები დაუშვა.

დეტალები: 25 ნოემბერს, სახელმწიფო რეზიდენციაში პუტინი 17 ქალს შეხვდა.

  • ზოგიერთ მათგანს შვილის დაღუპვის ნიშნად შავი თავსაბურავი ეკეთა.
  • როგორც კრიტიკოსები ამბობენ, ქალები შეხვედრისთვის საგულდაგულოდ შეარჩიეს.
  • "მინდა იცოდეთ, რომ პირადად მე და ქვეყნის ხელმძღვანელობა ვიზიარებთ ამ ტკივილს", — განაცხადა პუტინმა შეხვედრაზე.

ამასთანავე, შეხვედრის ჩანაწერში, რომელიც კრემლმა რამდენიმე საათის შემდეგ გაავრცელა, რამდენიმე ქალი იდენტიფიცირებულია, როგორც პუტინის მხარდამჭერი მოძრაობის წევრი.

  • კრიტიკოსთა შეფასებით, ჯარისკაცებზე ზრუნვის იმიტირება და დედებთან შეხვედრა პუტინის მორიგი მცდელობაა, გააგრძელოს კრემლის პარალელური რეალობის ასახვა უკრაინაში განვითარებული მოვლენების შესახებ.