გაეროს მონაცემებით, რუსეთის მიერ სრულმასშტაბიანი ომის დაწყების შემდეგ, სულ მცირე, 6 595 მშვიდობიანი მოქალაქე დაიღუპა, ხოლო 10 189 დაშავდა.

რატომ არის მნიშვნელოვანი: პუტინის გაუმართლებელ ომს, რომელიც თითქოსდა დემილიტარიზაციას ემსახურება, მშვიდობიანი მოქალაქეები, მათ შორის, ბავშვებიც ეწირებიან.

  • ანგარიშის თანახმად, დაღუპვისა და დაშავების ძირითადი მიზეზი დიდ ტერიტორიაზე ასაფეთქებელი მოწყობილობის გამოყენება იყო.
  • კერძოდ, საუბარია მძიმე არტილერიით დაბომბვასა და სარაკეტო და საჰაერო სისტემების მრავალჯერად გამოყენებაზე.

დეტალები: მათი მონაცემებით, დაღუპულთა შორის 2 575 კაცი, 1 767 ქალი, 172 გოგო და 206 ბიჭია.

  • ასევე, 37 ბავშვი და 1 838 ზრდასრული, რომელთა სქესის დადგენაც ვერ ხერხდება.