აშშ-ის შუალედურ არჩევნებში რესპუბლიკელებმა მოიპოვეს 218 ადგილი, რაც მათ პალატის გასაკონტროლებლად სჭირდებოდათ.

რატომ არის მნიშვნელოვანი: გამარჯვება რესპუბლიკელებს ანიჭებს ძალაუფლებას, გააკონტროლონ ბაიდენის დღის წესრიგი შემდეგი ორი წლის განმავლობაში, ასევე დაიწყონ გამოძიებები მისი ადმინისტრაციის და ოჯახის მიმართ.

  • ექსპერტების შეფასებით, რესპუბლიკელების გამარჯვება გააღრმავებს პოლარიზაციას, თუმცა მოსალოდნელი ცვლილებები ბევრად ჩამოუვარდება იმ "წითელ ტალღას", რომლის იმედიც პარტიას ჰქონდა.

დეტალები: წარმომადგენელთა პალატაში რესპუბლიკელებს 218 ადგილი აქვთ, ხოლო დემოკრატებს — 211 .

  • კევინ მაკკარტიმ, რესპუბლიკელების პალატის ლიდერმა, შედეგი იზეიმა და განაცხადა, რომ: "ამერიკელები მზად არიან ახალი მიმართულებისთვის, ხოლო პალატის რესპუბლიკელები მზად არიან შექმნან ეს მიმართულებები".
  • ბაიდენმა მაკკარტის გამარჯვება მიულოცა, და დასძინა, რომ გააგრძელებს მუშაობას სასურველი შედეგების მისაღწევად.
  • "ამერიკელ ხალხს სურს, რომ ჩვენ საქმეები გავაკეთოთ მათთვის" — განაცხადა ბაიდენმა.
  • ახალი კონგრესი იანვარში შეიკრიბება.

ამასთანავე, დონალდ ტრამპი აცხადებს, რომ 2024 წელს საპრეზიდენტო არჩევნებში იყრის კენჭს.

  • "იმისთვის, რომ ამერიკა კვლავ დიდებული და მშვენიერი გავხადო, ვაცხადებ ჩემს კანდიდატურას შეერთებული შტატების პრეზიდენტის პოსტზე", — განაცხადა დონალდ ტრამპმა სამშაბათს, ფლორიდაში გამართულ შეკრებაზე.

  • აშშ-ის მოქმედ პრეზიდენტს ჯერ ოფიციალურად არ დაუწყია 2024 წლის არჩევნების წინასწარი კამპანია.