უკრაინის საგარეო საქმეთა მინისტრი, დმიტრო კულება Twitter-ზე წერს, რომ ოკუპანტები უკრაინის მშვიდობიან ქალაქებს სასიკვდილო რაკეტებით ურტყამენ.

რატომ არის მნიშვნელოვანი: რუსეთის დღევანდელ თავდასხმებს მთელი ქვეყნის მასშტაბით მნიშვნელოვანი ზარალი მოჰყვა.

  • ვოლოდიმირ ზელენსკი ამბობს, რომ უკრაინის მიმართულებით ოკუპანტებმა 80 რაკეტა გაუშვეს, მათი უმრავლესობა კი ენერგეტიკული ობიექტების წინააღმდეგ იყო მიმართული.
  • დაზიანებულია ენერგეტიკული ობიექტები, საცხოვრებელი კორპუსები.
  • ელექტროენერგია შეწყვეტილია რამდენიმე რეგიონსა და ქალაქში, მათ შორის, ოდესაში, ხოლო დასავლეთ ჟიტიმორში დენი საერთოდ არ არის.
  • უკრაინის ენერგეტიკის მინისტრის თქმით, დღეს ოკუპანტებმა ომის დაწყების შემდეგ ენერგეტიკულ სისტემაზე ყველაზე მასიური დაბომბვა განახორციელეს.

დეტალები: დაიბომბა კიევიც. დედაქალაქის მერის, ვიტალი კლიჩკოს განცხადებით, რაკეტები ორ საცხოვრებელ კორპუსს მოხვდა.

  • არსებული ინფორმაციით, დაღუპულია, სულ მცირე, ერთი ადამიანი.
  • ლვოვის მერის ცნობით, ქალაქის 80% ელექტროენერგიის, შესაბამისად, გათბობისა და წყლის გარეშე დარჩა.
  • ენერგომომარაგება შეფერხებულია მოლდოვაშიც.
  • "ველით G20-ის სამიტის პრინციპულ რეაქციას, დაიჭირეთ ხალხის მხარე და არა ომის დამნაშავეების", — წერს კულება.