ფინბიურო სესხების მართვის ორგანიზაციაა. იგი 2015 წლიდან მხარში უდგას ადამიანებს, რომლებიც ვერ უმკლავდებიან წარსულში დაგროვებულ სასესხო ვალდებულებებს და ფინანსური დაგეგმარებისთვის მოტივაცია თუ ძალის მოკრება სჭირდებათ.

ფინბიურო საქართველოში ვადაგადაცილებული სესხების ყველაზე მსხვილ პორტფელს ფლობს და სასესხო ვალდებულებებისგან გათავისუფლებაში უკვე მილიონზე მეტ ადამიანს დაეხმარა. კომპანია სასესხო ვალდებულებების მართვის სფეროში მსოფლიოს ისეთი წამყვანი და წარმატებული კომპანიების მოდელებს ეყრდნობა, როგორებიცაა: Intrum, Encore Capital Group, Cabot Financial.

ფინბიურო საფინანსო ორგანიზაციებისგან შეისყიდის სესხებს და მომხმარებლებს მათ საბოლოოდ დაფარვაში ეხმარება. ეს მიმდინარე ვალდებულებების ერთ სივრცეში მოქცევას, მათ მენეჯმენტს და ინდივიდუალური შეღავათებისა და გრაფიკის შეთავაზებას ითვალისწინებს.

კომპანიამ ახლახან საკომუნიკაციო კამპანია დაიწყო, რომლის მთავარი გზავნილია — "აჯობე თავს". რებრენდინგის შესახებ კომპანიის დირექტორი, სოფო ვარამაშვილი გვესაუბრა.

სოფო გვიამბობს, რომ 2021 წელი ფინბიუროში კორპორატიული კულტურის განვითარების წლად გაამოცხადდა, რაც გულისხმობდა ქცევის შეცვლას როგორც მის შიგნით, ისე გარეთ. ბრენდინგის ფარგლებში ცვლილება განიცადა ორგანიზაციის სახელმა — უფრო სხარტი და ლაკონური გახდა. ეს მნიშვნელოვანი ცვლილება იყო, რადგან სახელი პირდაპირ დაუკავშირდა თანამედროვე ღირებულებების მატარებელ კომპანიას. ახალი ბრენდინგით კომპანია მიმართულია იმისკენ, რომ ადამიანმა აჯობოს თავს.

აღსანიშნავია, რომ წლების განმავლობაში კომპანიის მიმართ არასწორი დამოკიდებულებები იყო გავრცელებული. მომხმარებელსა და ორგანიზაციას შორის კი ნდობა ნაკლები იყო. სწორედ ეს გახდა ამოსავალი წერტილი ფინბიუროსთვის, დაეწყო ფიქრი რებრენდინგზე და უფრო ცხადად დაენახვებინა ადამიანებისთვის კომპანიის მისია.

"რებრენდინგი იმ ძლიერი სურვილის შედეგია, რომ არა მარტო ჩვენი კომპანიის, არამედ ზოგადად ამ საქმიანობის მიმართ შეიცვალოს დამოკიდებულება. ჩვენ არ ვართ ადამიანები, რომლებიც ვინმეს რამეს ვართმევთ, არამედ ვართ ადამიანები, რომლებიც ვცდილობთ, მათი მდგომარეობა გავაუმჯობესოთ, დაიფაროს მათი ვალდებულებები უმტკივნეულოდ, შევთავაზოთ მათ გამოსავალი", — ამბობს სოფო.

მისი თქმით, ფინბიურო არის B2B საქმიანობა. კომპანია შეისყიდის მხოლოდ იმ ადამიანების სესხებს, რომელსაც ნებისმიერი საფინანსო სამსახური გასაყიდად გამოიტანს. ამის შემდგომ იწყება სესხების დამუშავება და მართვა. საწყის ეტაპზე ხდება მომხმარებელთან დაკავშირება, იმისთვის რომ დროულად დამყარდეს კომუნიკაცია და შესაძლებელი გახდეს დახმარება.

ფინბიურო მომხმარებელს სთავაზობს:

• ავტომატური გადახდის სისტემას;
• ინდივიდუალური პირობებსა და შეღავათებს;
• სპეციალური შეთავაზებებს სესხებზე;
• დოკუმენტების და ცნობების დისტანციურად ატვირთვას;
• ყველა მიმდინარე სესხზე წვდომას.

ფინბიუროს საქართველოს მასშტაბით 17 ფილიალი აქვს და 800-ზე მეტ თანამშრომელს აერთიანებს. 2022 წლის მონაცემებით, ფინბიუროს ანგარიშზე 200 000-ზე მეტი მომხმარებელი და რამდენიმე მილიონ ლარზე მეტი დაფარული სესხია.

კომპანიას სამომავლოდ არაერთი გეგმა აქვს, მათ შორისაა საქართველოს მასშტაბით ახალი ფილიალების გახსნა, ქსელის განვითარება საზღვარგარეთ, აქტივებისა და ვალდებულებების მართვის გაუმჯობესება, დამატებითი რესურსების მობილიზება საერთაშორისო საფინანსო ორგანიზაციებისგან, ციფრულ ტექნოლოგიებში ინვესტირების გაძლიერება და რაც მთავარია — მეტი კმაყოფილი მომხმარებელი და მათზე მორგებული სერვისების დანერგვა-განვითარება.

ფინბიუროს შესახებ ინფორმაციის მისაღებად, მომხმარებლებს შეუძლიათ სმს გზავნილის მიღება, ცხელ ხაზზე დაკავშირება, ვებგვერდზე დარეგისტრირება და მობილური აპლიკაციის გადმოწერა. მომხმარებლებს შეუძლიათ უფასო კონსულტაციის მიღება ნებისმიერ დროს.