ჯეოსონ მომოამ ინსტაგრამის ახალი ვიდეოთი გულშემატკივრებს ამცნო, რომ დღეიდან პატარა გოჭი მასთან ერთად იცხოვრებს. ვიდეოში ვხედავთ, რომ ჯეისონ მომოა გოჭისთვის სახელის შერჩევას ცდილობს, რაშიც სხვებიც ეხმარებიან.

მსახიობმა გოჭი მას შემდეგ "იშვილა", რაც ნეტფლიქსის ახალ ფილმში Slumberland მიიღო მონაწილეობა. Slumberland-ის მთავარ პერსონაჟს პატარა გოჭი თან დაჰყვება, ჯეისონ მომოა კი მათ სიზმრების სამყაროში მოგზაურობისას ეხმარება. ინსტაგრამის ვიდეოს ბოლოს ვხედავთ, რომ მომოა გოჭს Slumberland-ის პრემიერაზე ეპატიჟება.

ცნობილია, რომ ჯეისონ მომოა ცხოველების დიდი მოყვარულია. 2019 წელს ერთ-ერთ ინტერვიუში ჯეისონ მომოამ განაცხადა, რომ სახლში ვირი, პითონი და ძაღლები ჰყავს.