ამის შესახებ ერთიანი ნაციონალური მოძრაობის თავმჯდომარემ ბრიფინგზე ისაუბრა.

რატომ არის მნიშვნელოვანი: ხელისუფლებისადმი კრიტიკულად განწყობილი მთავარი არხის დამფუძნებელი, ნიკა გვარამია დღეს, 2 ნოემბერს სააპელაციო სასამართლომ 3 წლითა და 6 თვით პატიმრობაში დატოვა.

  • აშშ-ის საელჩომ ეს გადაწყვეტილება უკვე შეაფასა და თქვა, რომ გვარამიას პატიმრობა რისკის ქვეშ აყენებს ქართველი ხალხის მკაფიო არჩევანს.

დეტალები: ოპოზიციის ნაწილმა უკვე საჯაროდ მოითხოვა პრეზიდენტისგან, შეიწყალოს ნიკა გვარამია.

  • მელიას განცხადებით, თუ ზურაბიშვილის სიტყვები არ არის ლიტონი, თუ ნამდვილად სურს დეპოლარიზაცია და სამოქალაქო თანხმობის პროცესის რეალურად განხორციელება გადადგას ერთადერთი სწორი ნაბიჯი
  • "გამოიყენოს მისთვის კონსტიტუციით მინიჭებული უფლება და დაუბრუნოს თავისუფლება ნიკა გვარამიას", — ამბობს მელია.

ნიკა მელიას შეფასებით, სააპელაციოს გადაწყვეტილება ხელისუფლების მხრიდან ევროინტეგრაციის პროცესის განზრახ შეფერხებაა.

  • "რუსული ოცნება ყოველდღიურად გვიჩვენებს უკუსვლას. იფორმებს სასამართლოს, ხელისუფლების ყველა შტოს, აღრმავებს პოლარიზაციას, ზღუდავს თავისუფალ სიტყვას და ამით ამყარებს ავტოკრატიულ ოლიგარქიულ რეჟიმს;
  • სასამართლოს დღევანდელი გადაწყვეტილება, სინამდვილეში კი ოლიგარქის ნების აღსრულება ევროპას ნათლად და მკაფიოდ ეუბნება, რომ არაფრად მიაჩნია მათი რეკომენდაციაც და ქართველთა დიდი უმრავლესობის ნებაც", — ამბობს ის.
  • თქვა ისიც, რომ პოლიტიკური პოლარიზაციის დასრულება არის მოქალაქეთა უდიდესი უმრავლესობის ნება.

ქართული ოცნება: პარტიის თავმჯდომარემ, ირაკლი კობახიძემ აღნიშნა, რომ თუ პრეზიდენტი შეიწყალებს გვარამიას, ეს იქნება პრეზიდენტის ინსტიტუტის შეურაცხყოფა.

  • "თქვენ გახსოვთ, როგორ შეურაცხყოფას აყენებდა იგივე სალომე ზურაბიშვილს ნიკა გვარამია, როგორი უშვერი სიტყვებით მოიხსენიებდა მას, ეს იყო არა მარტო პირადად, სალომე ზურაბიშვილის, არამედ პრეზიდენტის ინსტიტუტის შეურაცხყოფაც".