იანვარ-სექტემბერში მშენებლობებზე 8 082 ნებართვა გაიცა, რაც გასული წლის ანალოგური პერიოდის მაჩვენებელს 8,8%-ით აღემატება. 0,4%-ით 5,392 მილიონ კვადრატულ მეტრამდეა გაზრდილი ასაშენებელ შენობა-ნაგებობათა ჯამური ფართობიც. ინფორმაციას საქსტატი აქვეყნებს.

რატომ არის მნიშვნელოვანი: მშენებლობა ეკონომიკის ერთ-ერთი მსხვილი დარგია.

  • უძრავი ქონება საიმედო აქტივად მიიჩნევა;
  • გასაყიდ და გასაქირავებელ ფართებზე ფასების ზრდა ახალ მშენებლობებს ასტიმულირებს.
  • გარდა ამისა, იყო არაერთი შემთხვევა როცა მშენებლობის კანონიერება და უსაფრთხოება კითხვის ნიშნის ქვეშ დადგა.

დეტალები: სამშენებლო ნებართვების ნახევარზე მეტი — 50,8% თბილისშია გაცემული.

  • 11,3% — მცხეთა-მთიანეთში;
  • 8% — ქვემო ქართლში;
  • 6,9% —იმერეთში;
  • 6% — აჭარაში;
  • 5,4% — კახეთში.

გაცემული ნებართვები წინა წლების მსგავსად კომპლექსურია, სია მოიცავს:

  • საცხოვრებელ კორპუსებს;
  • სავაჭრო ობიეტებს;
  • სასტუმროებს;
  • სამრეწველო საწარმოებს.

ახალი ობიეტების დაწყების გარდა, 2022 წელს ექსპლუატაციაში მიღებულ იქნა ჯამურად 1,935 მილიონი კვადრატული მეტრის 1 843 ობიექტი.

  • ჩაბარებულ შენობებშიც 38%-ით თბილისი უცვვლელ პირველ ადგილს იკავებს.