გილერმო დელ ტორო ერთ-ერთი გამორჩეული თანამედროვე რეჟისორია, რომელმაც მძაფრსიუჟეტიანი და სამეცნიერო ფანტასტიკის ჟანრის ფილმები ახალ სიმაღლეზე აიყვანა და დასამახსოვრებელი ფილმები შექმნა. მის ანგარიშზეა ისეთი ფილმები, როგორებიცაა ფავნის ლაბირინთი, ჰელბოი, ბლეიდი II და ა.შ.

მისი ერთ-ერთი გამორჩეული ნამუშევარი წყნარი ოკეანის კარიბჭეა, რომელშიც ადამიანები დედამიწაზე კაიჯუების შემოჭრას იგერიებენ. კაიჯუები პარალელური სამყაროდან გადმოსული არსებები არიან, რომლებსაც ცივილიზაციის განადგურება უნდათ.

მათ შესაკავებლად, ადამიანები გიგანტური ზომის რობოტებს აწყობენ, რომლებსაც გამორჩეული მებრძოლები მართავენ.

გილერმო ერთ-ერთ ინტერვიუში აღნიშნავს, რომ ისევე გიჟდება რობოტებსა და მონსტრებზე, როგორც სხვებს კნუტები ან ლეკვები უყვართ. და როგორც ჩანს ოკეანის გიგანტებისა და რობოტი-მონსტრების შეტაკებით რეჟისორმა საკუთარი ფანტაზიების მაქსიმალური რეალიზების შანსი ხელიდან არ გაუშვა.

შეძლო თუ არა გილერმო დელ ტორომ, ლეკვებსა და კნუტებზე საყვარელი რობოტების შექმნა და მათი საშუალებით მონსტრების დამარცხება - ნახეთ 28 მაისს GDS-ზე. ჩაუჯექით დაუსრულებელ ომს!

კვირა 28 მაისი:
17:00 მღვდელი
18:30 ილაის წიგნი
20:40 ბრძოლა ლოს ანჯელესისთვის
23:00 წყნარი ოკეანის კარიბჭე