ამის შესახებ აზერბაიჯანის პრეზიდენტმა პრემიერთან, ირაკლი ღარიბაშვილთან შეხვედრაზე ისაუბრა.

რატომ არის მნიშვნელოვანი: ალიევის თქმით, ენერგეტიკულ პოლიტიკასთან დაკავშირებით აზერბაიჯანის სამომავლო გეგმები, აუცილებლად მოიაზრებს საქართველოსთან თანამშრომლობას.

  • მისივე თქმით, იგეგმება ბაქო-თბილისი-ჯეიჰანის მილსადენისა და ბაქო-სუფსის ტერმინალების გაორმაგებული დატვირთვა.

დეტალები: ალიევი ამბობს, რომ პრემიერ ღარიბაშვილთან შეხვედრაზე სამომავლო პროექტებზე ისაუბრეს და მოსაზრებები გაცვალეს.

  • "წელს ხელი მოვაწერეთ ურთიერთგაგების მემორანდუმს აზერბაიჯანსა და ევროკომისიას შორის და მომდევნო 5 წლის განმავლობაში ვაპირებთ გავაორმაგოთ ბუნებრივი აირის ექსპორტი ევროპის მიმართულებით".
  • "ჩვენ გვაქვს ამის საშუალება და ვაპირებთ 2027 წლისთვის ექსპორტზე გავიტანოთ თითქმის 20 მილიარდი კუბური მეტრი ბუნებრივი აირი", — განაცხადა აზერბაიჯანის პრეზიდენტმა.
  • მისივე თქმით, მათი მხრიდან ექსპორტზე ელექტროენერგიის გატანაც იგეგმება და საქართველო და აზერბაიჯანი ამ მიმართულებითაც წარმატებულად ითანამშრომლებენ.
  • "ახალი პროექტები, ასევე, ითვალისწინებს ელექტროენერგიის სფეროში ინიციატივების განხორციელებას. აზერბაიჯანი აპირებს ექსპორტზე გაიტანოს ელექტროენერგია საერთაშორისო ბაზრებზე და, რა თქმა უნდა, ჩვენი მარშრუტი აუცილებლად გაივლის საქართველოს", — განაცხადა ალიევმა.

აზერბაიჯანის პრეზიდენტი საქართველოში დღეს, სამუშაო ვიზიტით ჩამოვიდა.

  • პრემიერთან შეხვედრაზე მან პოლიტიკური, ეკონომიკური, კულტურული და სხვა ტიპის კავშირების განმტკიცებაზე ისაუბრა.
  • ალიევმა და ღარიბაშვილმა რეგიონსა და მსოფლიოში უსაფრთხოების თვალსაზრისით არსებული გამოწვევებიც განიხილეს.