მელია: რეჟიმმა ასე უტიფრად აირჩია თავად მურუსიძე და ამით გამოიწვია საზოგადოება და დასავლეთი

24 Oct. 2022, 14:40

გუშინ სასამართლო სისტემამ და ამ ხელისუფლებამ ამ გადაწყვეტილებით ღიად უარი თქვა ევროკავშირის გაცხადებული რეკომენდაციების შესრულებაზე და სასამართლო სისტემის რეფორმირებაზე. ხელისუფლებას და თავად ამ მანკიერ სისტემას, რა თქმა უნდა, შეეძლო ნაკლებად ცნობილი ვინმე მურუსიძის კანდიდატურის წამოყენება და არჩევა, მაგრამ რეჟიმმა ასე უტიფრად, ურცხვად და თავხედურად აირჩია თავად მურუსიძე და ამით გამოიწვია საზოგადოება და დასავლეთი.

მურუსიძე და გვრიტიშვილი აქამდეც იყვნენ სასამართლო სისტემაში გავლენიან პოზიციებზე, უბრალოდ, გუშინ მათი არჩევით კიდევ უფრო გაუადვილდებათ მათნაირი მოსამართლეების დანიშვნა სასამართლო სისტემაში. რაც უფრო დიდხანს გაჩერდებიან ამ სასამართლო სისტემაში, მით უფრო მეტი ლევან მურუსიძე ეყოლება ქართულ სასამართლოს. [...]

სოსო გოგაშვილი, რომელიც ამ ხელისუფლების საყრდენი იყო წლების განმავლობაში, სწორედ მურუსიძესა და ჩინჩალაძეს ასახელებს პირადად ივანიშვილთან გარიგებულ მოსამართლეებად. ისინი სუსთან მუდმივად კოორდინაციაში უნდა ყოფილიყვნენ "ოცნების" სასარგებლოდ დავების გადასაწყვეტად. მათ ნებისმიერი დავალება უნდა შეესრულებინათ, რომელიც წამოვიდოდა ქართული ოცნების მხრიდან. საჭიროების შემთხვევაში სუსი მათ ოპერატიულ, უკანონოდ მოპოვებულ ინფორმაციას მიაწვდიდა, რითიც მოხერხდებოდა კონკრეტულ მოსამართლეებზე ზეწოლას მოახერხებდნენ.

ბოლო ამბები:

ნიკა მელია მელია: რეჟიმმა ასე უტიფრად აირჩია თავად მურუსიძე და ამით გამოიწვია საზოგადოება და დასავლეთი

კომენტარები

კვირის ტოპ-5

გირჩევთ

ახლა კითხულობენ

კრიპტო აქტივების ბაზრის რეგულირება საქართველოში: ადგილობრივი სექტორის საერთაშორისო სტანდარტებთან მოყვანა