ფილმის, ბრძოლა ლოს ანჯელესისთვის, შემქმნელები ამბობენ, რომ ფილმს მცირე საფუძვლად რეალური ამბები უდევს.

ცხადია, ძნელი დასაჯერებელია, რომ 2011 წელს გადაღებული ფილმი, რომელიც კალიფორნიისა და აშშ-ს ერთ-ერთი ყველაზე დიდი ქალაქის უცხოპლანეტელების მიერ განადგურებას ეხება, რეალურ მოვლენებზეა დაფუძნებული, მაგრამ ასეთი ბრძოლა მართლაც მოხდა.

1942 წლის 24 თებერვალს, მეორე მსოფლიო ომის მიმდინარეობისას, პერლ ჰარბორზე იაპონელების თავდასხმიდან რამდენიმე თვეში, გავრცელდა ინფორმაცია, რომ კალიფორნიის სანაპიროსკენ ამოუცნობი მფრინავი ობიექტი მიემართებოდა.

ამერიკის დასავლეთი სანაპიროს ბინადრებს, პერლ ჰარბორის მოვლენების შემდეგ, იაპონელთა შეჭრის ეშინოდათ. ამიტომ ქალაქში პანიკა ატყდა და ლოს ანჯელესი ქაოსში ჩაიძირა. ქალაქში გამორთეს ელექტროენერგია, საბრძოლო რეჟიმზე გადავიდა არმია, ხოლო სანაპირო არტილერიის 37-ე ბრიგადამ ამოუცნობი მფრინავი ობიექტის მიმართულებით 1500 ჭურვი გაისროლა.

საბოლოოდ, არმიამ განაცხადა, რომ აღნიშნული მოვლენა ცრუ განგაში იყო და კალიფორნიელებს არაფერი ემუქრებოდათ, ხალხიც ნელ-ნელა დამშვიდდა.

ამ მოვლენას 1983 წელს მოუბრუნდნენ. აშშ-ს სამხედრო ავიაციის ისტორიის დეპარტამენტმა გამოძიება ჩაატარა და დაადგინა, რომ კალიფორნიას არც იაპონელები დასხმიან თავს და არც უცხოპლანეტელები, ხოლო ამოუცნობი მფრინავი ობიექტი გზასაცდენილი და დაკარგული მეტეოროლოგიური ზონდი იყო.

ცხადია, მფრინავ თეფშებზე მონადირეებსა და კონსპირაციის მოყვარულებს ეს ვერსია დამაჯერებლად არ ეჩვენათ და არმია უცხოპლანეტელთა თავდასხმის მიჩქმალვაში დაადანაშაულეს.

რა შეიძლებოდა მომხდარიყო თუ ლოს ანჯელესს მართლა შეუტევდა უცხოპლანეტელთა ფლოტი, როგორ დასრულდებოდა ეს ბრძოლა და ვინ გაიმარჯვებდა - ნახეთ 28 მაისს GDS-ზე. ჩაუჯექით დაუსრულებელ ომს!

კვირა 28 მაისი:
17:00 მღვდელი
18:30 ილაის წიგნი
20:40 ბრძოლა ლოს ანჯელესისთვის
23:00 წყნარი ოკეანეს კარიბჭე