ინფორმაციას იმის შესახებ, რომ ჯონსონს კონსერვატორთა პარტიის პრაიმერისში მონაწილეობის მიღება სურს, ბრიტანული Times და Daily Telegraph ავრცელებს. მათზე დაყრდნობით ამის შესახებ BBC-ც წერს.

რატომ არის მნიშვნელოვანი: დიდი ბრიტანეთის პრემიერმინისტრი ლიზ ტრასი არჩევიდან 45 დღეში გადადგა.

  • მანამდე ამ თანამდებობას ბორის ჯონსონი იკავებდა, რომელმაც პოსტი 7 ივლისს დატოვა.

დეტალები: როგორც გამოცემა Times წერს, ჯონსონს მიაჩნია, რომ მისი პრემიერად დაბრუნება ქვეყნის "ეროვნული ინტერესია".

  • ლიდერის შერჩევის ზუსტი წესები ჯერ არ არის ცნობილი.
  • ქვეყანაში ახალი საპარლამენტო არჩევნების გამართვას ითხოვს ლეიბორისტული პარტია, რომელიც კონსერვატორების მთავარი კონკურენტია.